जे. जे. उड्डाणपुलाखालील जागेचे सुशोभीकरण करणार

मुंबई : कुतुब - ए - कोंकण मकदूम अली माहिमी उड्डाणपूल (जे. जे. उड्डाणपूल) खालील संपूर्ण २.१ किलोमीटर लांबीच्‍या रस्‍ता दुभाजकाचे संकल्‍पना आधारित (थीम बेस्‍ड्) सुशोभीकरण करावे, ध्‍वनी प्रदूषणास प्रतिबंध ठरू शकणारी झाडे लावावीत, आकर्षक बागकामे (लॅण्‍डस्‍केपिंग) करावी, एकसमान रचनेचे मजबूत संरक्षक कठडे (रेलिंग) उभारावेत, असे निर्देश महानगरपालिका आयुक्‍त तथा प्रशासक भूषण गगराणी यांनी दिले.



मुंबई महानगरपालिकेच्‍यावतीने 'मुंबई सुशोभीकरण प्रकल्‍प' हाती घेण्‍यात आला आहे. या अंतर्गत महानगरपालिकेच्‍या ए, बी आणि सी विभागातून जाणा-या कुतुब - ए - कोंकण मकदूम अली माहिमी उड्डाणपूल (जे.जे.उड्डाणपूल) खालील दुभाजकाचे सुशोभीकरण करण्‍यात येत आहे. या सुशोभीकरण कामाची प्रत्‍यक्ष पाहणी महानगरपालिका आयुक्‍त तथा प्रशासक भूषण गगराणी यांनी केली. त्‍यावेळी त्‍यांनी निर्देश दिले. सहायक आयुक्‍त (बी विभाग) शंकर भोसले यांच्‍यासह संबंधित अधिकारी यावेळी उपस्थित होते.



महानगरपालिका आयुक्‍त गगराणी म्‍हणाले की, जे. जे. रूग्‍णालय जंक्‍शन ते महात्‍मा जोतिबा फुले मंडई (क्रॉफर्ड मार्केट) हा वर्दळीचा मार्ग आहे. नागरिक, प्रवाशांच्‍या सोयीसाठी महानगरपालिकेने रस्‍ता दुभाजक बांधला आहे. संपूर्ण रस्‍ता दुभाजकाचे आकर्षक तसेच संकल्‍पना आधारित (थीम बेस्‍ड्) सुशोभीकरण करण्‍यात यावे. अंदाजे ३ मीटर रूंदीच्‍या दुभाजकाचे आकर्षक पद्धतीने बागकामे (लॅण्‍डस्‍केपिंग) करावीत. ध्‍वनी प्रदूषणास प्रतिबंध ठरू शकणारी झाडे लावावीत. एकसमान रचनेचे मजबूत संरक्षक कठडे (रेलिंग) उभारावेत. पर्यावरणपूरक सुशोभीकरण करावे. दुभाजकांचा दुरूपयोग होऊ नये, कठड्यांची मोडतोड, नासधूस होऊ नये यासाठी आवश्‍यक असल्‍यास सुरक्षा व्‍यवस्‍था करावी, सुशोभीकरण कामे तातडीने करावीत, आदी निर्देश गगराणी यांनी दिले.



सुशोभीकरण कामांतर्गत उड्डाणपुलाखालील ३ ठिकाणी 'बेस्‍ट'च्‍या कालबाह्य डबल डेकर बसगाड्यांमध्‍ये कलादालन (आर्ट गॅलरी), उपाहारगृह (कॅफे टेरिया), वाचनालय (लायब्ररी) अशा खास सुविधा मुंबईकरांना उपलब्‍ध करून देण्‍याची योजना राबविली आहे. मंजूर केलेल्‍या संकल्‍पनेनुसारच ते विकसित करावे. त्‍याचे संचलन स्‍वयंसेवी संस्‍था / महिला बचत गटामार्फत करावे, असे निर्देश देखील महानगरपालिका आयुक्‍त भूषण गगराणी यांनी दिले आहेत.
Comments
Add Comment

सचिनच्या आठवणींचा खजिना वानखेडेत! 26 ऐतिहासिक बॅट्स पाहण्याची संधी; 'बॅटोग्राफी' प्रदर्शनाचे उद्घाटन

मुंबई : क्रिकेटचा देव म्हणून ओळखल्या जाणाऱ्या सचिन तेंडुलकर यांच्या क्रिकेट कारकिर्दीतील अविस्मरणीय आठवणींचा

Lokparampara Mahotsav: लोककलेच्या रंगाविष्काराने गिरगावात रंगला ‘लोकपरंपरा महोत्सव’!

मुंबई( सुहास शेलार): महाराष्ट्राच्या समृद्ध लोकपरंपरेचा, लोककलेचा आणि सांस्कृतिक वैभवाचा सुरेख आविष्कार

Ravi Dubey Ramayana : "माझा अजूनही विश्वास बसत नाहीये..."; 'रामायण'मधील लक्ष्मणच्या भूमिकेनंतर अभिनेता रवी दुबे भावुक!

मुंबई : नुकत्याच प्रदर्शित झालेल्या 'रामायण' या भव्य चित्रपटात प्रभू श्रीरामांचे लहान बंधू लक्ष्मण यांची भूमिका

Prince William Kulhad Chai : मुंबईच्या रस्त्यावर अवतरले 'शाही पाहुणे'! सचिन तेंडुलकरसोबत प्रिन्स विल्यम आणि केट मिडलटन यांनी घेतला 'कुल्हड चहा'चा आस्वाद;

चहावाला मनोज म्हणाला, "हा माझ्या आयुष्यातील सर्वात खास क्षण!" मुंबई : मुंबईतील बॅलार्ड इस्टेट परिसरात सोमवारी एक

Mumbai Diwali Crackers : मुंबईत फटाके फुटलेच!

सचिन धानजी मुंबईत दिवाळीत फटाके फुटलेच. लोकांनी न्यायालयाचे निर्देशाला न जुमानता फटाके फोडले. नागरिकांच्या

Prince William Sachin Tendulkar : ब्रिटीश शाही जोडपे प्रिन्स विल्यम आणि प्रिन्सेस कॅथरीन यांची मुंबईत सचिन तेंडुलकरसोबत 'गल्ली क्रिकेट'ची धमाल; शाळकरी मुलांसोबत रंगला सामना!

मुंबई : मुंबईच्या बॅलार्ड इस्टेट भागात सोमवारी सकाळी एक अतिशय सुंदर आणि न विसरता येण्यासारखा प्रसंग पाहायला