सचिनच्या आठवणींचा खजिना वानखेडेत! 26 ऐतिहासिक बॅट्स पाहण्याची संधी; 'बॅटोग्राफी' प्रदर्शनाचे उद्घाटन

सचिन तेंडुलकर यांच्या 26 ऐतिहासिक बॅट्ससह हेल्मेट्स, जर्सी आणि दुर्मिळ आठवणींचे 'बॅटोग्राफी' प्रदर्शन 17 ते 22 नोव्हेंबरदरम्यान वानखेडे स्टेडियमवर पाहता येणार.

मुंबई : क्रिकेटचा देव म्हणून ओळखल्या जाणाऱ्या सचिन तेंडुलकर यांच्या क्रिकेट कारकिर्दीतील अविस्मरणीय आठवणींचा खजिना आता क्रिकेटप्रेमींना जवळून अनुभवता येणार आहे. वानखेडे स्टेडियमवरील एमसीए शरद पवार क्रिकेट संग्रहालयात 'बॅटोग्राफी' या ऐतिहासिक प्रदर्शनाचे अनावरण करण्यात आले. आपल्या आंतरराष्ट्रीय क्रिकेटमधील निवृत्तीच्या १३ व्या वर्षपूर्तीनिमित्त सचिन तेंडुलकर यांनी या प्रदर्शनाचे उद्घाटन केले. यावेळी त्यांनी स्वतःच्या बालपणीची पहिली बॅट हातात घेत जुन्या आठवणींना उजाळा दिला. या प्रदर्शनात त्यांच्या क्रिकेट प्रवासातील २६ ऐतिहासिक बॅट्स मांडण्यात आल्या आहेत.


या भावनिक आणि दिमाखदार सोहळ्याला सचिन तेंडुलकर यांच्या संपूर्ण कुटुंबाने उपस्थिती लावली. त्यांच्यासोबत पत्नी अंजली तेंडुलकर, मुलगी सारा तेंडुलकर, मुलगा अर्जुन तेंडुलकर आणि सून सानिया चंडोक उपस्थित होत्या. याशिवाय मुंबई क्रिकेट असोसिएशनचे पदाधिकारी आणि क्रिकेट जगतातील अनेक मान्यवरांनीही या कार्यक्रमाला हजेरी लावली. प्रदर्शनातील २६ ऐतिहासिक बॅट्सपैकी सचिन यांनी बालपणी वापरलेली आपली पहिली बॅट स्वतः हातात घेतली. हा क्षण उपस्थितांसाठी विशेष भावनिक ठरला.






'बॅटोग्राफी' प्रदर्शनात केवळ ऐतिहासिक बॅट्सच नाहीत, तर सचिन यांच्या २४ वर्षांच्या आंतरराष्ट्रीय क्रिकेट कारकिर्दीतील अनेक दुर्मिळ वस्तूंचाही समावेश आहे. त्यांनी विविध ऐतिहासिक सामन्यांमध्ये वापरलेली हेल्मेट्स, जर्सी आणि स्वतःच्या हस्ताक्षरातील वैयक्तिक नोंदी येथे पाहायला मिळणार आहेत. प्रत्येक बॅटमागे एक वेगळा इतिहास, एखादा विक्रम किंवा संस्मरणीय खेळी दडलेली आहे. या सर्व आठवणी रंजक पद्धतीने प्रदर्शनात मांडण्यात आल्या आहेत.


विशेष म्हणजे, सचिन यांच्या बालपणीच्या पहिल्या बॅटपासून ते त्यांच्या आंतरराष्ट्रीय कारकिर्दीतील महत्त्वाच्या सामन्यांमध्ये वापरलेल्या बॅट्सपर्यंतचा प्रवास येथे उलगडणार आहे. त्यांच्या कारकिर्दीतील अखेरच्या कसोटी सामन्याशी संबंधित छायाचित्रे, निवृत्तीच्या वेळची विशेष नोट आणि भारतीय संघाकडून वापरलेले अखेरचे हेल्मेट यांचाही या प्रदर्शनात समावेश आहे. त्यामुळे क्रिकेटप्रेमींना सचिन यांच्या कारकिर्दीतील सुरुवातीपासून शेवटपर्यंतच्या अनेक आठवणी एकाच ठिकाणी अनुभवता येणार आहेत.






क्रिकेट चाहत्यांसाठी आणखी एक महत्त्वाची बाब म्हणजे हे प्रदर्शन सर्वसामान्यांसाठी खुले होणार आहे. १७ ते २२ नोव्हेंबर २०२६ या कालावधीत मुंबईतील एमसीए शरद पवार क्रिकेट संग्रहालयात चाहत्यांना या प्रदर्शनाला भेट देता येईल. मात्र, या कालावधीत केवळ 'म्युझियम टूर' उपलब्ध असेल, याची नोंद घेण्याचे आवाहन एमसीएतर्फे करण्यात आले आहे. संग्रहालयाला भेट देण्यासाठी डिस्ट्रिक ॲपवर एमसीए संग्रहालयाची माहिती तपासता येईल. एकीकडे वानखेडे स्टेडियमवर अनेक ऐतिहासिक सामने रंगले, तर दुसरीकडे याच मैदानाशी जोडलेल्या सचिन तेंडुलकर यांच्या कारकिर्दीच्या आठवणी आता एका खास प्रदर्शनातून जिवंत होणार आहेत. त्यामुळे मास्टर ब्लास्टरचा हा ऐतिहासिक प्रवास जवळून अनुभवण्यासाठी क्रिकेटप्रेमींमध्ये उत्सुकता निर्माण झाली आहे.

Comments
Add Comment

Lokparampara Mahotsav: लोककलेच्या रंगाविष्काराने गिरगावात रंगला ‘लोकपरंपरा महोत्सव’!

मुंबई( सुहास शेलार): महाराष्ट्राच्या समृद्ध लोकपरंपरेचा, लोककलेचा आणि सांस्कृतिक वैभवाचा सुरेख आविष्कार

Ravi Dubey Ramayana : "माझा अजूनही विश्वास बसत नाहीये..."; 'रामायण'मधील लक्ष्मणच्या भूमिकेनंतर अभिनेता रवी दुबे भावुक!

मुंबई : नुकत्याच प्रदर्शित झालेल्या 'रामायण' या भव्य चित्रपटात प्रभू श्रीरामांचे लहान बंधू लक्ष्मण यांची भूमिका

Prince William Kulhad Chai : मुंबईच्या रस्त्यावर अवतरले 'शाही पाहुणे'! सचिन तेंडुलकरसोबत प्रिन्स विल्यम आणि केट मिडलटन यांनी घेतला 'कुल्हड चहा'चा आस्वाद;

चहावाला मनोज म्हणाला, "हा माझ्या आयुष्यातील सर्वात खास क्षण!" मुंबई : मुंबईतील बॅलार्ड इस्टेट परिसरात सोमवारी एक

Mumbai Diwali Crackers : मुंबईत फटाके फुटलेच!

सचिन धानजी मुंबईत दिवाळीत फटाके फुटलेच. लोकांनी न्यायालयाचे निर्देशाला न जुमानता फटाके फोडले. नागरिकांच्या

Prince William Sachin Tendulkar : ब्रिटीश शाही जोडपे प्रिन्स विल्यम आणि प्रिन्सेस कॅथरीन यांची मुंबईत सचिन तेंडुलकरसोबत 'गल्ली क्रिकेट'ची धमाल; शाळकरी मुलांसोबत रंगला सामना!

मुंबई : मुंबईच्या बॅलार्ड इस्टेट भागात सोमवारी सकाळी एक अतिशय सुंदर आणि न विसरता येण्यासारखा प्रसंग पाहायला

Prince William India Visit : प्रिन्स विल्यम आणि प्रिन्सेस कॅथरीन आज मुंबईत दाखल होणार; अर्थशॉट पुरस्कार सोहळ्यासाठी भारत दौरा

मुंबई : ब्रिटनचे प्रिन्स ऑफ वेल्स विल्यम आणि प्रिन्सेस ऑफ वेल्स कॅथरीन हे तीन दिवसीय भारत दौऱ्यासाठी आज मुंबईत