Amit Shah : अमित शहा २२ फेब्रुवारीला करणार पुणे दौरा!

स्वागतासाठी भाजपाच्या पदाधिकाऱ्यांकडून जोरदार तयारी


मुंबई : विधानसभा निवडणुकीच्या विजयानंतर केंद्रीय गृहमंत्री आणि भारतीय जनता पक्षाचे नेते अमित शहा (Amit Shah) पुण्यात येत आहेत. विजयानंतर पहिल्यांदाच शहा पुणे (Pune) शहरात येत असल्याने त्यांच्या स्वागतासाठी शहर भाजपाच्या पदाधिकाऱ्यांनी जोरदार तयारी सुरू केली आहे.



केंद्रीय गृहमंत्री आणि सहकारमंत्री अमित शहा हे येत्या २२ फेब्रुवारीला पुणे शहराच्या दौऱ्यावर येणार आहेत. पुण्यामध्ये केंद्रीय गृह विभागाची पश्चिम विभागीय बैठक कोरेगाव पार्क येथील पंचतारांकित हॉटेलमध्ये होणार आहे. त्यासाठी अमित शहा उपस्थित राहतील.


लोकसभा निवडणुकीत केंद्रात भाजपाने निर्विवाद वर्चस्व मिळविले. महायुतीच्या माध्यमातून विधानसभा निवडणूक लढविणाऱ्या भाजपाला सर्वात अधिक जागा मिळाल्या आहेत. या विधानसभा निवडणुकीच्या विजयानंतर केंद्रीय गृहमंत्री अमित शहा हे पहिल्यांदाच पुणे शहराच्या दौऱ्यावर येत असल्याने त्यांच्या स्वागताची जोरदार तयारी शहर भाजपच्या वतीने केली जात आहे.


केंद्रीय गृह विभागाच्या होणाऱ्या या बैठकीचे नियोजन पुणे महापालिकेकडे देण्यात आले आहे. त्याची जबाबदारी महापालिकेचे अतिरिक्त आयुक्त पृथ्वीराज बी. पी. यांच्याकडे असणार आहे. याच दिवशी पुणे जिल्हा परिषदेच्या प्रधानमंत्री आवास योजनेअंतर्गत ग्रामीण भागातील घरकुल योजनेच्या घरांचे वाटप करण्यात येणार असून, या कार्यक्रमासाठीदेखील अमित शहा उपस्थित राहणार आहेत. बालेवाडी येथे हा कार्यक्रम होणार असून, यावेळी मुख्यमंत्री देवेंद्र फडणवीस, उपमुख्यमंत्री अजित पवार आणि एकनाथ शिंदे उपस्थित राहणार आहेत.


केंद्रीय गृह विभागाच्या पश्चिम विभागीय बैठकीचे अध्यक्षपद शहा भूषविणार आहेत. यामध्ये महाराष्ट्र, गुजरात, गोवा, दादरा आणि नगर हवेली, दमण दीव येथील अधिकारी उपस्थित राहणार आहेत. अतिरिक्त आयुक्तांसह अन्य ११ अधिकाऱ्यांनाही विविध जबाबदारीचे वाटप करण्यात आले आहे.

Comments
Add Comment

Bharat Gogawale: दुष्काळग्रस्तांना रोजगाराची हमी! पात्र कुटुंबांना कामापासून वंचित ठेवू नका; मंत्री भारत गोगावले यांचे निर्देश

मुंबई: दुष्काळाच्या पार्श्वभूमीवर 'व्हीबी जी राम जी'अंतर्गत घ्यावयाची कामे आणि प्रलंबित देयके यांचा रोहयो

Women Reservation in Cooperative Sector: सहकारात महिलांना 33 टक्के प्रतिनिधित्व, तरुणांसाठीही राखीव जागांचा प्रस्ताव

मुंबई : राज्यातील सहकार क्षेत्राला नवी दिशा देण्याच्या उद्देशाने महाराष्ट्र सरकार नवीन सहकार धोरण जाहीर

MHT CET 2027: विद्यार्थ्यांसाठी मोठी बातमी! 11अभ्यासक्रमांच्या CET परीक्षा दोनदा होणार; संभाव्य वेळापत्रक जाहीर

मुंबई: महाराष्ट्र राज्य सामाईक प्रवेश परीक्षा कक्षाने म्हणजेच सीईटी सेलने शैक्षणिक वर्ष 2027-28 साठी पदवी आणि

Bharat Scouts and Guides: देवेंद्र फडणवीस यांची 13 व्या राष्ट्रीय अध्यक्षपदी बिनविरोध निवड

महाराष्ट्राचे मुख्यमंत्री देवेंद्र फडणवीस यांची 'भारत स्काउट्स अँड गाईड्स'च्या १३ व्या राष्ट्रीय अध्यक्षपदी

Ajit Pawar Tribute: अजितदादांचे विकासाचे स्वप्न पूर्ण करणे हीच खरी श्रद्धांजली! एकनाथ शिंदे भावूक

पुणे:  पुणे येथे केंद्रीय गृह व सहकार मंत्री अमित शहा यांच्या हस्ते स्वर्गीय अजित पवार यांच्या अर्धाकृती

Chipi Airport: चिपी-नवी मुंबई विमानसेवेला 16.74 कोटींचे ‘व्हीजीएफ’ अनुदान

मुंबई(सुहास शेलार): सिंधुदुर्गातील चिपी विमानतळावरून नवी मुंबईसाठी विमानसेवा चालविणाऱ्या ‘जस्ट उडो एव्हिएशन