वाढवण बंदर विकासाला मच्छीमारांचा विरोध

सुभाष म्हात्रे, अलिबाग : वाढवण बंदर विकास प्रकल्पाला महाराष्ट्र मच्छीमार कृती समितीने जोरदार विरोध दर्शविला आहे. वाढवण बंदर प्रकल्पामुळे मासेमारीचा व्यवसाय आणि पर्यायाने मच्छीमार उद्ध्वस्त होणार असल्याने या प्रकल्पाचा ठाम विरोध करण्याचा निर्धार महाराष्ट्र मच्छीमार कृती समितीने अलिबाग येथे झालेल्या कार्यशाळेत केला. नॅशनल फिश वर्कर्स फोरम आणि महाराष्ट्र मच्छीमार कृती समितीची कार्यशाळा नुकतीच अलिबागला पार पडली. यात मच्छीमारांना भेडसावणाऱ्या विविध समस्यांबरोबरच वाढवण बंदर विकास विषयावर जोरदार चर्चा झाली. यावेळी समितीचे अध्यक्ष लिओ कोलासो यांनी आपली भूमिका ठामपणे मांडली. दोन-चार लोकांना रोजगार देणारा हा उद्योग बुडवून काही मोजक्याच लोकांच्या भल्यासाठी नवनवीन उद्योगांना परवानगी दिली जात आहे. वाढवण बंदरात येणाऱ्या परदेशी जहाजांमुळे मासेमारी करणे केवळ अशक्य होणार आहे, उत्पन्न मिळणार नाही. जेएनपीटी बंदराचा विस्तार झाला, तेंव्हा मच्छीमारांनी प्रखर विरोध केला. तेव्हा यापुढे नवीन बंदर विकसित करणार नाही, असे अभिवचन प्रशासनाने दिले होते. आजही तिथल्या प्रकल्पग्रस्तांचे पुनर्वसन झालेले नाही. तेथील लोक नाल्यांजवळ राहत आहेत. याला विकास म्हणत नाहीत, असेही लिओ कोलासो यांनी नमूद केले.

संघटनेचे सरचिटणीस किरण कोळी यांनी आक्रमकपणे आपली भूमिका मांडली. ते म्हणाले की, हा परिसर मासेमारीतील गोल्डन बेल्ट मानला जातो. तोच उद्ध्वस्त झाला मग मच्छीमार जगणार कसा? असा प्रश्न उपस्थित केला गेला. वातानुकूलित कार्यालयात बसून निर्णय घेणाऱ्या अधिकाऱ्यांना मासेमारी कशी होते, कुठे होते? याचे ज्ञान नसते. रत्नागिरीपासून आमचा हंगाम सुरू होतो. मुरुडपासून मुंबईच्या दिशेने समुद्र उथळ होत जातो. तेथे जैवविविधता अधिक असते. त्यामुळे माशांचे संवर्धन, उत्पादन अधिक होत असते. या प्रकल्पामुळे मच्छीमार समाज विस्थापित होणार आहे. आमच्या भावी पिढीचा सत्यानाश करणारा हा प्रकल्प असून, महाराष्ट्र मच्छीमार कृती समिती आणि वाढवण बंदर विरोधी संघर्ष समिती रक्ताचा शेवटचा थेंब असेपर्यंत याचा विरोध करेल, असे कोळी यांनी स्पष्टपणे सांगितले. तसेच पर्सनेट आणि एलईडी मासेमारीमुळे मच्छीमारांचे अनेक प्रश्न निर्माण होत आहेत.
Comments
Add Comment

Bharat Gogawale: दुष्काळग्रस्तांना रोजगाराची हमी! पात्र कुटुंबांना कामापासून वंचित ठेवू नका; मंत्री भारत गोगावले यांचे निर्देश

मुंबई: दुष्काळाच्या पार्श्वभूमीवर 'व्हीबी जी राम जी'अंतर्गत घ्यावयाची कामे आणि प्रलंबित देयके यांचा रोहयो

Women Reservation in Cooperative Sector: सहकारात महिलांना 33 टक्के प्रतिनिधित्व, तरुणांसाठीही राखीव जागांचा प्रस्ताव

मुंबई : राज्यातील सहकार क्षेत्राला नवी दिशा देण्याच्या उद्देशाने महाराष्ट्र सरकार नवीन सहकार धोरण जाहीर

MHT CET 2027: विद्यार्थ्यांसाठी मोठी बातमी! 11अभ्यासक्रमांच्या CET परीक्षा दोनदा होणार; संभाव्य वेळापत्रक जाहीर

मुंबई: महाराष्ट्र राज्य सामाईक प्रवेश परीक्षा कक्षाने म्हणजेच सीईटी सेलने शैक्षणिक वर्ष 2027-28 साठी पदवी आणि

Bharat Scouts and Guides: देवेंद्र फडणवीस यांची 13 व्या राष्ट्रीय अध्यक्षपदी बिनविरोध निवड

महाराष्ट्राचे मुख्यमंत्री देवेंद्र फडणवीस यांची 'भारत स्काउट्स अँड गाईड्स'च्या १३ व्या राष्ट्रीय अध्यक्षपदी

Ajit Pawar Tribute: अजितदादांचे विकासाचे स्वप्न पूर्ण करणे हीच खरी श्रद्धांजली! एकनाथ शिंदे भावूक

पुणे:  पुणे येथे केंद्रीय गृह व सहकार मंत्री अमित शहा यांच्या हस्ते स्वर्गीय अजित पवार यांच्या अर्धाकृती

Chipi Airport: चिपी-नवी मुंबई विमानसेवेला 16.74 कोटींचे ‘व्हीजीएफ’ अनुदान

मुंबई(सुहास शेलार): सिंधुदुर्गातील चिपी विमानतळावरून नवी मुंबईसाठी विमानसेवा चालविणाऱ्या ‘जस्ट उडो एव्हिएशन