एक्स अर्थात ट्विटरच्या धोरणानुसार न्यायालयाचे आदेश किंवा कायदा अंमलबजावणी संस्थांकडून आलेल्या विनंत्या यासारख्या वैध कायदेशीर मागण्यांना प्रतिसाद म्हणून प्लॅटफॉर्म विशिष्ट हँडल विशिष्ट भागात ब्लॉक करतो. या धोरणांतर्गत एक्स प्लॅटफॉर्मने पाकिस्तान सरकारचे अधिकृत एक्स हँडल अर्थात ट्विटर हँडल भारतात ब्लॉक केले आहे.
पहलगाम अतिरेकी हल्ल्यानंतर भारत सरकारने पाकिस्तान विरोधात कठोर कारवाई सुरू केली आहे. या अंतर्गत भारताने सिंधू नदी पाणी वाटप करार स्थगित केला आहे. अटारी सीमेवरुन भारत - पाकिस्तान दरम्यानचे येणे - जाणे बंद केले आहे. पाकिस्तानच्या नागरिकांना ४८ तासांत भारत सोडण्याचे आदेश दिले आहेत. पाकिस्तानच्या दिल्लीतील दुतावासाचे कर्मचारी कमी करण्याचा निर्णय घेतला आहे. भारतीय सैन्याच्या तिन्ही दलांना अती दक्षतेचा इशारा दिला आहे.