राष्ट्रवादीचे राजकारण अनिश्चिततेच्या वळणावर!
पुणे : राष्ट्रवादीचे दोन गट पुन्हा एकत्र येणार? शरद पवार आणि अजित पवारांच्या गुपचुप भेटी, एकाच मंचावरची उपस्थिती, आणि त्यातच मुख्यमंत्री फडणवीसांचं शरद पवारांवरचं कौतुक... महाराष्ट्राच्या राजकीय वर्तुळात सध्या सॉलिड गॉसिप सुरू आहे.
राजकीय हालचाली वाढल्यात, चर्चांमध्ये तेल ओतलं जातंय… पण या सर्व चर्चांवर खुद्द शरद पवारांनी दिलेलं तीन शब्दांचं उत्तर – "मला माहिती नाही!" म्हणजे राजकारणात ट्विस्ट आणणारा डायलॉगच!
हे खरंच माहिती नाही म्हणणं आहे की एक मास्टर स्ट्रोक? अजित पवारांना पुन्हा जवळ घ्यायचं आहे की, गोंधळात अजून गोंधळ घालायचा आहे?
सध्या एक गोष्ट नक्की, राष्ट्रवादीचं राजकारण म्हणजे बॉलिवूडचं सस्पेन्स थ्रिलर! प्रत्येक वळणावर नवा ट्विस्ट, नवे अंदाज… आणि शरद पवारांचा शांत चेहरा पाहूनही सर्वांनाच वाटतं की, काहीतरी मोठं शिजतंय!
