जम्मू : जम्मू आणि काश्मीरमधील पहलगाम येथे झालेल्या दहशतवादी हल्ल्याच्या तपासात राष्ट्रीय तपास संस्था अर्थातच एनआयएला रविवारी मोठे यश मिळाले होते. पहलगाम दहशतवादी हल्ला करणाऱ्या पाकिस्तानी दहशतवाद्यांना मदत आणि
आश्रय दिल्याच्या आरोपाखाली राष्ट्रीय तपास संस्थेने दोघांना अटक केली होती. सोमवारी एनआयएने या दोन्ही आरोपींना जम्मूच्या सत्र न्यायालयात रिमांडसाठी हजर केले.
जम्मूच्या अतिरिक्त जिल्हा आणि सत्र न्यायाधीश रितेश कुमार दुबे यांच्या न्यायालयात दोन्ही आरोपींना हजर करण्यात आले. यानंतर पहलगाम हल्ल्यातील दहशतवाद्यांना मदत आणि आश्रय दिल्याबद्दल अटक केलेल्या दोन्ही आरोपींना न्यायालयाने शुक्रवारपर्यंत पाच दिवसांसाठी एनआयएच्या कोठडीत पाठवले आहे.
रविवारी पहालगाममधील बटकोट येथील रहिवासी परवेझ अहमद जोथर आणि पहलगाममधील हिल पार्क येथील रहिवासी बशीर अहमद जोथर यांना एनआयएने अटक केली होती.