IND vs ENG : इंग्लंडच्या खेळाडूने बॉल असा फेकला की यशस्वीच्या बॅटचे झाले असे हाल...

मुंबई: भारत आणि इंग्लंड यांच्यातील पाच सामन्यांच्या मालिकेतील चौथा सामना मँचेस्टरच्या ओल्ड ट्रॅफर्ड मैदानावर खेळवला जात आहे. या सामन्यात टीम इंडियाने टॉस हरल्यानंतर पहिल्यांदा फलंदाजीची संधी मिळाली. टीम इंडियाकडून यशस्वी जायसवाल आणि केएल राहुल यांनी डावाची सुरूवात केली. या दरम्यान, सामन्याच्या सुरूवातीलाच असे काही दृश्य पाहायला मिळाले की यात क्रिकेट चाहत्यांचे लक्ष आपल्याकडे खेचले. भारताचा डाव सुरू असताना ९व्या षटकांत युवा सलामी फलंदाज यशस्वी जायसवालसोबत ही घटना घडली. याचा व्हिडिओ सोशल मीडियावर चांगलाच व्हायरल होत आहे.

Bat breaks of #YashasviJaiswal #INDvsENG pic.twitter.com/auUWmGTe5g

— Drx Ankur Verma (Hindu) (@ankurvermaup) July 23, 2025

 

जायसवालची बॅटच तुटली

सामन्याच्या सुरूवातीलाच यशस्वी जायसवालच्या बॅटचा हँडल तुटला. भारताचा डाव सुरू असताना ९व्या षटकांत वेगवान गोलंदाज क्रिस वोक्स गोलंदाजी करत होता. यावेळेस यशस्वी जायसवाल स्ट्राईकवर होता. या षटकातील पाचव्या बॉलवर जायसवालने एक शॉट खेळण्याचा प्रयत्न केला. मात्र बॉल त्याच्या अपेक्षेपेक्षा अधिक उसळला आणि सरळ त्याच्या बॅटच्या हँडलला लागला. बॉल इतका जोरात होता की जायसवालच्या बॅटचे हँडलच तुटले. हे पाहून मैदानावरील खेळाडू, अंपायर आणि चाहतेही हैराण झाले. जायसवालने लगेचच तुटलेली बॅट पाहिली आणि बदलण्यासाठी डगआऊटच्या दिशेने इशारा केला.