सांस्कृतिक कार्य मंत्री तथा माहिती तंत्रज्ञान मंत्री ॲड. आशिष शेलार यांचे आवाहन
लॉस एंजेलिस : मनोरंजर क्षेत्रातील आघाडीच्या ओटीटी प्लॅट फॉर्म असलेल्या नेटफ्लिक्सने मराठी कंटेंट क्रिएटर्स व मनोरंजन उद्योगासोबत महाराष्ट्रात भागीदारी करावी, असे आवाहन महाराष्ट्र शासनातर्फे राज्याचे सांस्कृतिक कार्य मंत्री तथा माहिती तंत्रज्ञान मंत्री ॲड, आशिष शेलार यांनी आज येथे केले.
राज्याचा सांस्कृतिक मंत्री म्हणून पदभार स्वीकारल्यानंतर ॲड आशिष शेलार यांनी मनोरंजन क्षेत्रातील विविध घटकांची मते जाणून घेतली होती तसेच शासनाकडून त्यांच्या असलेल्या अपेक्षाही समजून घेतल्या होत्या. यावेळी झालेल्या विविध संवादामंध्ये त्यांनी मराठी चित्रपट, मालिका, वेबसिरिज आणि नाटक या क्षेत्रातील सर्वच घटकांशी संवाद साधला होता. ओटीटी प्लॅटफॉर्मवर मराठी ला स्थान मिळत नाही अशी खंत त्यावेळी या क्षेत्रातील जाणकरांनी मंत्री शेलार यांच्याकडे व्यक्त केली होती. त्यामुळे त्या दृष्टीने काही उपाययोजना करता येतील का याबाबत ते सध्या विविध पातळीवर काम करीत आहेत. त्याचाच एक भाग म्हणून आज त्यांनी अमेरिका दौऱ्यात लॉस एंजेलिस येथे जाऊन नेटफ्लिक्स कॉर्पोरेशनच्या मुख्यालयाला भेट दिली.
जागतिक व्यासपीठावर मराठीचा सन्मान!
नेटफ्लिक्स मुख्यालयात आयोजित @USIBC LA Waves Summit मध्ये विविध क्षेत्रातील प्रतिनिधींशी संवाद साधताना अमेरिकेतील मनोरंजन क्षेत्राने महाराष्ट्रातील वाढत्या मीडिया आणि कंटेंट क्षमतेचा लाभ घ्यावा असे आवाहन केले.
यावेळी मी विशेषतः नेटफ्लिक्सला… pic.twitter.com/DrhlUkP05V
— Adv. Ashish Shelar - ॲड. आशिष शेलार (@ShelarAshish) July 31, 2025
या भेटीमध्ये ॲड शेलार यांनी नेटफ्लिक्सच्या जागतिक पातळीवरील "मोशन पिक्चर क्रिएटिव्ह वर्क पोर्टफोलिओचा" आढावा घेतला, ज्यामध्ये 'स्क्विड गेम्स'सारख्या आंतरराष्ट्रीय पातळीवर प्रचंड लोकप्रिय ठरलेल्या कलाकृतींच्या निर्मितीची प्रक्रिया समजून घेतली. नेटफ्लिक्स करीत असलेले मनोरंजन क्षेत्रात काम व त्यातील नव्या संधी याचीही माहिती त्यांनी जाणून घेतली. यावेळी नेटफ्लिक्ससह अन्य मनोरंजन क्षेत्रातील मोठ्या कंपनीच्या पदाधिकाऱ्यांशी ही संवाद साधताना त्यांनी महाराष्ट्रात मराठी मध्ये कंटेंट क्रिएशन करावे असे आवाहन करतानाच शासन आपल्याला सर्वतोपरी मदत करेल, असे आश्वस्त केले