नवी दिल्ली : देशातील सात राज्यांतील आठ विधानसभा मतदारसंघामधे झालेल्या पोटनिवडणुकीची मतमोजणी झाली. भाजप आणि काँग्रेसने प्रत्येकी दोन तर आम आदमी पार्टी, झारखंड मुक्ती मोर्चा, मिझो नॅशनल फ्रंट आणि पीपल्स डेमाक्रॅटिक पार्टी यांनी प्रत्येकी एक जागा जिंकली.
जम्मू कश्मीरमधल्या नागरोटा मतदारसंघात देवयानी राणा, तर ओडिशातल्या नवपाडा मतदारसंघात जय ढोलकिया हे भाजपाचे उमेदवार निवडून आले. तेलंगणात हैद्राबादमधल्या ज्युबेली हिल्स मतदारसंघातून नवीन यादव, राजस्थानमधल्या अंता मतदारसंघात प्रमोद जैन भाया हे काँग्रेसचे उमेदवार विजयी झाले. बडगाममधे जम्मू काश्मीर पीपल्स डेमॉक्रॅटिक पार्टीचे आगा सईद मुन्तजिर मेहदी, मिझोरममधे दाम्पा इथं मिझो नॅशनल फ्रंटचे डॉ. आर लालथंगलियाना, पंजाबच्या तरणतारण मतदारसंघात आम आदमी पार्टीचे हरमीत सिंग संधू, तर झारखंडच्या घाटशिला मतदारसंघात झारखंड मुक्तिमोर्चाचे सोमेश चंद्र सोरे निवडून आले आहेत.