पालघर : पालघर जिल्ह्यातील पालघर, डहाणू, जव्हार, या नगर परिषद आणि वाडा नगरपंचायतीच्या निवडणुकीसाठी प्रशासन सज्ज झाले आहे. ईव्हीएम, व्हीव्हीपॅट आणि इतर साहित्य सामग्रीची आकडेवारी अंतिम करण्यात आली आहे. तसेच एकूण १२५ मतदान केंद्र निश्चित करण्यात आले आहेत.
जिल्ह्यातील चारही स्थानिक स्वराज्य संस्थांमध्ये एकूण १ लाख १६ हजार ६६० मतदार आहेत. यामध्ये ५९,७५६ पुरुष आणि ५६,८७२ महिला मतदार आहेत. तर ३२ 'इतर' मतदारांचा समावेश आहे. एकूण १२५ मतदान केंद्रांपैकी सर्वाधिक ५६ बूथ पालघर नगर परिषदेत असून येथील निवडणुकीत ५५ हजार ७२७
मतदार आहेत.
डहाणू नगर परिषदेत ४१ बूथ असून, ३८ हजार ६९३ मतदार, वाडा नगरपंचायतीत १७ बूथ १२ हजार ८९३ मतदार, तर जव्हार नगर परिषद ११ बूथसाठी ९ हजार ३४७ मतदार आहेत. दरम्यान,या निवडणुकीसाठी आवश्यक असलेले साहित्य आणि ईव्हीएम युनिट्स १० टक्के राखीव साठ्यासह उपलब्ध ठेवण्यात आले आहेत. जिल्ह्यासाठी एकूण १३८ कंट्रोल युनिट्स आणि १३८ बॅलेट युनिट्सची गरज आहे. यासोबतच मतदारांना खात्री देणाऱ्या २०८ व्हीव्हीपॅट मशीन आणि ३८० ईव्हीएम बॅटरीची व्यवस्था करण्यात आली आहे.