तो सीगल मंगळवारी कारवार येथील रवींद्रनाथ टागोर समुद्रकिनाऱ्यावर किनारी सागरी पोलीस विभागाला सापडला आणि त्याला वन विभागाच्या ताब्यात देण्यात आले.
कर्नाटक : कर्नाटकच्या कारवार किनाऱ्यावर एका जखमी सीगल पक्ष्याच्या शरीराला चिनी संस्थेचा जीपीएस ट्रॅकर लावलेला आढळला,कारवार येथे भारतीय नौदलाचा महत्त्वाचा तळ (INS कदंब) असल्याने,या घटनेमुळे गुप्तचर यंत्रणांमध्ये चिंता निर्माण झाली आहे.ज्यामुळे स्थानिक रहिवासी आणि सुरक्षा यंत्रणांमध्ये चिंतेचे वातावरण निर्माण झाले आहे. हा ट्रॅकर चीनच्या 'Chinese Academy of Sciences' शी संबंधित असल्याचे आढळले, जे पक्ष्यांच्या स्थलांतराचा अभ्यास करण्याच्या वैज्ञानिक संशोधनाचा भाग असू शकतो.
पोलिसांनी दिलेल्या माहितीनुसार,मंगळवारी कारवार येथील रवींद्रनाथ टागोर समुद्रकिनाऱ्यावर सागरी किनारा पोलीस पथकाला एक सीगल पक्षी सापडला आणि त्याला वन विभागाच्या ताब्यात देण्यात आले.नंतर अधिकाऱ्यांनी त्या जखमी पक्ष्याची तपासणी केली.पोलीस आणि गुप्तचर यंत्रणा या प्रकरणाची चौकशी करत आहेत,ट्रॅकरमधून मिळालेल्या डेटाचे विश्लेषण करत आहेत आणि चिनी संस्थेशी संपर्क साधण्याचा प्रयत्न करत आहेत.
अधिकाऱ्यांच्या लक्षात आले की,त्या सीगलच्या शरीराला एक जीपीएस ट्रॅकर बांधलेला होता.या उपकरणामध्ये एका लहान सौर पॅनेलसह एक इलेक्ट्रॉनिक युनिट होते. अधिकाऱ्यांना त्या ट्रॅकरला एक ईमेल पत्ता जोडलेला आढळला,तसेच पक्षी सापडल्यास दिलेल्या आयडीवर संपर्क साधण्याची विनंती करणारा एक संदेशही होता.
पोलिसांनी सांगितले की,हा ईमेल पत्ता चायनीज ॲकॅडमी ऑफ सायन्सेसशी संबंधित आहे,जी स्वतःला पर्यावरण-विज्ञान संशोधन केंद्र म्हणून वर्णन करते.अधिकारी स्पष्टीकरण मिळवण्यासाठी नमूद केलेल्या ईमेल आयडीशी संपर्क साधण्याचा प्रयत्न करत आहेत."स्थलांतराच्या पद्धतींचा अभ्यास करण्यासाठी तो पक्षी वैज्ञानिक संशोधन प्रकल्पाचा भाग होता की नाही,यासह अनेक पैलू तपासले जात आहेत,"असे उत्तर कन्नडचे पोलीस अधीक्षक दीपन एम.एन. यांनी सांगितले. भारताच्या सर्वात महत्त्वाच्या नौदल तळांपैकी एक तळ कारवारमध्ये असल्यामुळे, या घटनेने सामरिक महत्त्वामुळे लक्ष वेधून घेतले आहे.