काश्मीरमध्ये 'हाय अलर्ट'
घाटीत थरकाप उडवणारी थंडी, पण सुरक्षा यंत्रणा अलर्ट
जम्मू-कश्मीर : नववर्षाच्या स्वागताच्या तयारीच्या पार्श्वभूमीवर जम्मू-कश्मीरमध्ये सुरक्षा व्यवस्था चोख ठेवण्यात आली आहे.काश्मीरच्या संपूर्ण प्रदेशात पोलीस, केंद्रीय सुरक्षा बल (सीआरपीएफ) आणि सैन्याच्या संयुक्त पथकांनी पाहणी सुरू केली असून सुरक्षा वाढविण्यासाठी उच्च अलर्ट लागू करण्यात आला आहे. सुरक्षा परिस्थितीचा आढावा घेऊन जम्मू-कश्मीर पोलीस आणि सीआरपीएफ यांनी एरिया डोमिनेशन व सर्च ऑपरेशन्स अधिक गतिमान केले आहेत.
श्रीनगरसह घाटीतील संवेदनशील भागांमध्ये स्पेशल ऑपरेशन्स ग्रुप (एसओजी ) सह समन्वय साधून तलाशी अभियान जोरात चालू आहे. पोलिसांनी संशयित ठिकाणांवर लक्ष ठेवण्यासाठी अनेक ठिकाणी छापेमारीची मालिका सुरू केली असून शहरी भागात चेकपॉइंट्स लावून तिथे तपासणी सुरू आहे. नववर्षाच्या सणाच्या पार्श्वभूमीवर पर्यटन स्थळांवरही सुरक्षा वाढवण्यात आली. गुलमर्ग, पहलगाम आणि श्रीनगर येथे पर्यटकांची गर्दी असून डल लेक आणि आसपासच्या परिसरात पेट्रोलिंग वाढवण्यात आली आहे.