मुंबई : मुंबई व नवी मुंबईतील रहिवाशांना आता स्‍वच्‍छ व नीटनेटके राहणीमान आणि मुलांसाठी स्‍मार्ट शॉपिंगचा अनुभव मिळणार आहे. संपूर्ण भारतातील मुलांच्‍या उत्‍पादनांच्‍या खरेदी-विक्रीसाठी वेबसाइट सेकंड हग्‍सने भारतातील आघाडीची समुदाय व्‍यवस्‍थापन वेबसाइट मायगेटसोबत सहयोग केला आहे. या सहयोगांतर्गत राज्‍यातील निवडक गृहनिर्माण सोसायट्यांमध्‍ये अनावश्यक वस्तू उपयोगात आणण्यासाठी अनोखी मोहिम राबवण्‍यात येणार आहे.
रविवार १५ फेब्रुवारी रोजी मुंबई व नवी मुंबईतील तीन गृहनिर्माण सोसायट्या रूस्‍तमजी रिजेन्‍सी (दहिसर पश्चिम), मोराज रिव्‍हरसाइड पार्कनेम (पनवेल) आणि लोढा सिएलो (ठाणे पश्चिम) येथे परस्‍पदसंवादात्‍मक किओस्‍क्स स्‍थापित करण्‍यात येतील. यामध्‍ये रहिवाशांना सेकंड हग्स वेबसाइटच्‍या माध्‍यमातून मुलांच्‍या उत्‍पादनांची सहजपणे खरेदी-विक्री करण्‍याबाबत माहिती मिळू शकते. या प्रत्‍यक्षपणे राबवण्‍यात येणाऱ्या उपक्रमाला ११ ते १८ फेब्रुवारीपर्यंत मायगेट अॅपवर डिजिटल माध्‍यमाद्वारे पाठिंबा देण्‍यात येईल, ज्‍यासह इन-अॅप बॅनर्स आणि नोटिफिकेशन्‍सच्‍या माध्‍यमातून संपूर्ण शहरामधील लाखो निवासींपर्यंत पोहोचता येईल आणि कुटुंबांना स्‍मार्ट, पसारामुक्‍त पर्यायांची निवड करण्‍याचा संदेश देण्‍यात येईल.
या उपक्रमाबाबत मत व्‍यक्‍त करत सेकंड हग्‍सच्‍या संस्‍थापिका व सीईओ स्‍वर्णा डागा मिमानी म्‍हणाल्‍या, ''शहरातील घरांमध्‍ये अनेकदा सामानाचा पसारा मोठी समस्‍या असते, विशेषत: मुले मोठी झाल्‍यावर त्‍यांच्‍यासाठी खरेदी केलेल्‍या खेळण्‍यांचा मोठा पसारा होतो. या मोहिमेच्‍या माध्‍यमातून आम्‍हाला पालकांना जाणीव करून द्यायचे आहे की, आपल्‍याकडील घरामध्‍ये विनावापर पडून असलेल्‍या वस्तू इतरांना देणे अर्थपूर्ण असू शकते. अशा वस्तू कुटुंबाला प्रत्‍यक्ष आर्थिक मूल्‍य मिळवून देऊ शकतात. तसेच, यामुळे इतर पालकांना आपल्‍या मुलांसाठी गरजेच्‍या वस्तू किफायतशीर दरामध्‍ये मिळवण्‍यास मदत होते. पालकत्‍वाची जबाबदारी काहीशी हलकी करणे आणि एकमेकांना साह्य करणे हाच आमचा मनसुबा आहे.''
सेकंड हग्स ही संपूर्ण भारतातील वेबसाइट आहे, जेथे पालक ० ते १२ वर्ष वयोगटातील मुलांसाठी वापरलेल्‍या व नवीन वस्‍तूंची खरेदी-विक्री करू शकतात. यामध्‍ये बेबी गिअर, कपडे, खेळणी आणि नर्सरीसाठी आवश्यक वस्‍तूंचा समावेश आहे. सुलभता व सोयीसुविधेसाठी डिझाइन करण्‍यात आलेली सेकंड हग्स आपल्‍या वेबसाइटवर डिजिटल पेमेंट्स आणि घरपोच पिकअप व डिलिव्‍हरी सेवा देते, ज्‍यामधून खरेदी-विक्रीसाठी सुलभ अनुभव मिळतो.
या वेबसाइटवर सुस्थितीत असलेल्‍या जुन्‍या वस्तू उपलब्ध आहेत, ज्या मूळ किमतीपेक्षा ५० टक्‍के किंवा त्यापेक्षा अधिक सवलतीच्‍या दरांत मिळतात. तसेच ही वेबसाइट प्रत्‍यक्ष घाऊक व्यापाऱ्यांकडून मिळवलेली मुलांची अगदी नवीन उत्पादने देखील उपलब्ध करून देते. यामुळे कुटुंबांना उच्‍च दर्जाच्या आवश्यक वस्तू अत्यंत स्वस्त व किफायतशीर दरांमध्‍ये मिळू शकतात.
मुंबई व नवी मुंबईमध्‍ये राबवण्‍यात येणारे हे क्रियाकलाप महाराष्ट्र आणि तेलंगणामधील मोठ्या बहु-शहरीय मोहिमेचा भाग आहेत, ज्‍यासह भारतातील पालकांसाठी मुलांच्‍या उत्‍पादनांची खरेदी-विक्री सुलभ, किफायतशीर व सहजसाध्य करण्‍याप्रती सेकंड हग्‍सचे मिशन अधिक दृढ होत आहे.