Bank New Rule : 1 ऑक्टोबर 2026 पासून बँकिंग क्षेत्रात महत्त्वाचा बदल होणार आहे. भारतीय रिझर्व्ह बँकेच्या (RBI) नव्या नियमांनुसार, बँकांना आता मोठ्या रकमेच्या बल्क फिक्स्ड डिपॉझिटवर (Bulk FD) देण्यात येणारे व्याजदर दररोज त्यांच्या वेबसाइटवर अपडेट करावे लागणार आहेत. या निर्णयाचा उद्देश बल्क एफडीच्या व्याजदरांमध्ये अधिक पारदर्शकता आणणे हा आहे.
बँकांना दररोज व्याजदर अपडेट करावे लागणार
नव्या नियमांनुसार, बँकांना प्रत्येक कामकाजाच्या दिवशी सकाळी 10 वाजेपर्यंत बल्क एफडीचे लागू व्याजदर वेबसाइटवर जाहीर करावे लागतील. त्यासाठी 10 मिनिटांची अतिरिक्त मुदत, म्हणजे सकाळी 10:10 वाजेपर्यंतची वेळ, देण्यात आली आहे. वेबसाइटवर जाहीर केलेले व्याजदर त्या दिवशी बल्क एफडी करणाऱ्या ग्राहकांसाठी लागू राहतील.
UMANG App : दर महिन्याला तुमच्या पगारातून PF म्हणजेच भविष्य निर्वाह निधीची (EPF) रक्कम कापली जाते का ? असेल तर तुमच्यासाठी एक सरकारी अॅप खूप उपयोगी ठरू शकते. या ...
कोणत्या एफडींना लागू होणार नियम?
हा बदल मुख्यतः बल्क डिपॉझिट किंवा बल्क एफडी करणाऱ्या ग्राहकांना लागू होणार आहे. कमर्शियल बँकांसाठी साधारणपणे 3 कोटी रुपये किंवा त्याहून अधिक रकमेच्या ठेवींना बल्क डिपॉझिट मानले जाते. मात्र, सामान्य ग्राहकांनी केलेल्या छोट्या रकमेच्या एफडींवर या बदलाचा थेट परिणाम होणार नाही.
वेगवेगळ्या शाखांमध्ये वेगवेगळे व्याजदर देण्यावर मर्यादा
नव्या नियमांमुळे एकाच बँकेच्या वेगवेगळ्या शाखांमध्ये समान रक्कम आणि समान कालावधीच्या बल्क एफडीसाठी मनमानी पद्धतीने वेगवेगळे व्याजदर देण्यास मर्यादा येणार आहे. मात्र, Liquidity Coverage Ratio (LCR) शी संबंधित विशिष्ट परिस्थितींमध्ये बँकांना वेगळे दर देण्याची परवानगी असू शकते.
ग्राहकांना काय फायदा होणार?
या बदलामुळे मोठी रक्कम एफडीमध्ये गुंतवणाऱ्या ग्राहकांना किंवा संस्थांना दररोज उपलब्ध असलेल्या व्याजदरांची माहिती सहज मिळू शकणार आहे. यामुळे ग्राहकांना एफडी करण्यापूर्वी संबंधित बँकेच्या वेबसाइटवर दर तपासता येतील. तसेच, वेगवेगळ्या शाखांमध्ये जाऊन दरांची माहिती घेण्याची किंवा दरासाठी स्वतंत्रपणे वाटाघाटी करण्याची गरज कमी होऊ शकते. एकूणच, बल्क एफडीच्या व्याजदरांमध्ये पारदर्शकता आणि एकसमानता आणण्याच्या दृष्टीने हा बदल महत्त्वाचा ठरणार आहे.