इंदूर: मध्य प्रदेशातील इंदूरमधून एक धक्कादायक घटना समोर आली आहे. एका मुस्लिम डॉक्टरने एका हिंदू तरुणीवर बलात्कार केल्याचा आरोप आहे. मिळालेल्या माहितीनुसार, आरोपी डॉक्टरने त्या महिलेला गुंगीचे औषधही दिलं होतं. या घटनेमुळे संतप्त झालेल्या पीडितेच्या कुटुंबीयांनी डॉक्टरच्या घराची तोडफोड करून त्याला आग लावली, ज्यामुळे घराची राख झाली.
नेमकं प्रकरण काय?
ती तरुणी चार महिन्यांपूर्वी उपचारासाठी दवाखान्यात आली होती. डॉ. सईदने तिच्याशी मैत्री केली, तिला प्रेमप्रकरणात ओढले आणि नंतर हा घृणास्पद गुन्हा केला. मिळालेल्या माहितीनुसार, आरोपी डॉक्टर, डॉ. सईद खान याने बेलमोर रिसॉर्टमध्ये एका हिंदू मुलीला ब्लॅकमेल करून तिच्यावर बलात्कार केला. त्याने तिला गुंगीचे इंजेक्शनही दिले. यानंतर, संतप्त कुटुंबीयांनी डॉक्टरच्या घराची तोडफोड करून त्याला आग लावली.
तरुणीचे अश्लील फोटो काढून ब्लॅकमेल
असा आरोप आहे की, तो डॉक्टर त्या तरुणीचे अश्लील फोटो काढून तिला ब्लॅकमेल करत होता. यानंतर, पीडितेने एका हिंदू संघटनेकडे मदत मागितली. त्या हिंदू संघटनेने डॉ. सईदला मारहाण करून पोलिसांच्या ताब्यात दिले. पीडितेच्या तक्रारीच्या आधारे, बलात्कारासह गंभीर कलमांखाली गुन्हा दाखल करण्यात आला. बडगोंडा पोलीस ठाणे या प्रकरणाचा तपास करत आहे.
हिंदू संघटनेच्या सदस्यांकडून आरोपी डॉक्टरला मारहाण
एका हिंदू संघटनेच्या सदस्यांनी आरोपी डॉक्टरला मारहाण केली. लव्ह जिहाद करणे हे पाप आहे, असे म्हणायलाही त्यांनी त्याला भाग पाडले. या घटनेचा एक व्हिडिओ व्हायरल होत आहे, ज्यामध्ये हिंदू संघटनेचे सदस्य आरोपी डॉक्टरला मारहाण करताना दिसत आहेत. मारहाणीनंतर डॉक्टरला पोलिसांच्या ताब्यात देण्यात आले. पोलीस आता या प्रकरणाचा तपास करत आहेत. डॉक्टरचे घर पूर्णपणे जळून खाक झाले आहे.