चंदिगड : चंदिगडच्या सेक्टर ३७ मध्ये भाजपच्या कार्यालयाबाहेर मोठा स्फोट झाला. स्फोटाचा आवाज दूरपर्यंत ऐकू आला. स्फोटाची माहिती कळताच पोलीस पथक तातडीने घटनास्थळी पोहोचले.
स्थानिकांनी दिलेल्या माहितीनुसार, बुधवारी १ एप्रिल २०२६ रोजी संध्याकाळी साडेचारच्या सुमारास चंदिगडच्या सेक्टर ३७ मध्ये भाजपच्या कार्यालयाबाहेर मोठा स्फोट झाला. स्फोटामुळे परिसरात दहशत पसरली. सुदैवाने या स्फोटात जीवितहानी झालेली नाही.
पोलिसांनी दिलेल्या माहितीनुसार चंदिगडच्या सेक्टर ३७ मध्ये भाजपच्या कार्यालयाबाहेर कमी तीव्रतेचा स्फोट झाला. या स्फोटामुळे जीवितहानी झालेली नाही पण परिसरात भीतीचे वातावरण आहे. काही वाहनांचे कमी - जास्त प्रमाणात नुकसान झाले आहे. नागरिकांना अफवा पसरवू नका असे आवाहन करण्यात आले आहे. स्फोट प्रकरणी तपास सुरू आहे. खलिस्तानी दहशतवाद्यांचा या घटनेशी काही संबंध आहे का याची पण तपासणी सुरू आहे. परिसरातील सीसीटीव्ही फूटेजच्या मदतीने तपासाला सुरुवात करण्यात आली आहे. खबरींचीही मदत घेतली जात आहे.