पुणे : पिंपरी-चिंचवडमधील (Pimpari Chinchwad) मोशी परिसरातून माणुसकीला काळिमा फासणारी एक अत्यंत संतापजनक घटना उघडकीस आली आहे. विनायकनगर येथील शिवशंभो कॉलनीमध्ये एका ७ वर्षांच्या निष्पाप चिमुरडीवर ४० वर्षीय नराधमाने लैंगिक अत्याचार केल्याचा धक्कादायक प्रकार समोर आला आहे. या घटनेमुळे परिसरात तीव्र संतापाची लाट उसळली आहे. याप्रकरणी एम.आय.डी.सी. भोसरी पोलिसांनी तत्परतेने कारवाई करत आरोपीला बेड्या ठोकल्या आहेत. रामु कुंजल निसाद (वय ४०) असे अटक करण्यात आलेल्या आरोपीचे नाव आहे. चिमुरडीच्या कुटुंबाने दिलेल्या तक्रारीनंतर पोलिसांनी गुन्हा दाखल केला असून, आरोपीला पोलिसांनी ताब्यात घेतले आहे. या प्रकरणाचा पुढील तपास पोलीस करत असून, अशा विकृत प्रवृत्तीवर कठोर कारवाई करण्याची मागणी नागरिकांकडून केली जात आहे.
खिडकीतून दिसला काळजाचा थरकाप उडवणारा प्रकार...
नराधमावर पोक्सोसह 'बीएनएस'चे कठोर कलमे
हा धक्कादायक प्रकार उघडकीस येताच पीडितेच्या कुटुंबीयांनी विलंब न लावता एम.आय.डी.सी. भोसरी पोलीस ठाण्यात धाव घेत तक्रार नोंदवली. पीडित मुलीच्या आईने दिलेल्या फिर्यादीवरून पोलिसांनी या नराधमाविरुद्ध कायद्याचा बश बसवणारी कठोर कलमे लावली आहेत. पोलिसांनी आरोपीविरुद्ध भारतीय न्याय संहिता (BNS) कलम ६४ (१), ६५ (२), ७४, ३५१ आणि बाल लैंगिक अत्याचार प्रतिबंधक कायद्याच्या (POCSO) कलम ४, ६, ८ नुसार गुन्हा दाखल केला आहे. या अमानवी घटनेमुळे स्थानिक नागरिकांमध्ये तीव्र संताप व्यक्त केला जात असून, "अशा नराधमांना समाजात स्थान नसावे, त्यांना कठोरात कठोर शासन व्हावे," अशी मागणी आता जोर धरू लागली आहे. पोलीस या प्रकरणाचा अधिक तपास करत असून पीडितेच्या सुरक्षेसाठी सर्वतोपरी पावले उचलली जात आहेत.