पंतप्रधान नरेंद्र मोदी आज म्हणजेच बुधवार १५ एप्रिल रोजी एका दिवसाच्या कर्नाटक दौऱ्यावर आहेत. या दौऱ्यादरम्यान त्यांनी सकाळी ११ वाजता मंडया जिल्ह्यातील श्री क्षेत्र आदिचुंचनगिरी येथे श्री गुरु भैरवैक्य मंदिराचे उद्घाटन करून दर्शन घेतेले.
श्री गुरु भैरवैक्य मंदिर हे डॉ. बालगंगाधरनाथ महास्वामीजी यांच्या स्मरणार्थ उभारण्यात आलेले एक महत्त्वाचे स्मारक आहे. ते श्री आदिचुंचनगिरी महासंस्थान मठाचे ७१ वे पीठाधीश्वर होते आणि त्यांनी समाजसेवा, शिक्षण आणि अध्यात्म या क्षेत्रात मोठे योगदान दिले आहे.
स्थानिक नागरिक आणि भक्तांसाठी ही भेट अत्यंत महत्त्वाची मानली जात असून, या निमित्ताने परिसरात उत्साहाचे वातावरण पाहायला मिळाले.