Metro Line 4 : मुंबई मेट्रो लाईन ४ अपघातांबाबतचे चौकशी अहवाल सार्वजनिक करा - मुलुंड भाजप आमदार मिहिर कोटेचा

आमदार मिहिर कोटेचा यांचे एमएमआरडीए आयुक्त संजय मुखर्जी यांना पत्र


मुलुंडमधील प्रकल्पात वारंवार सुरक्षा त्रुटी गंभीर — आमदार मिहिर कोटेचा


दोषींवर कठोर कारवाईची केली जावी — आमदार कोटेचा


मुंबई: धावत्या कारवर लाकडी फळी कोसळल्याच्या घटनेच्या पार्श्वभूमीवर मुलुंडचे भाजप आमदार मिहिर कोटेचा यांनी मुंबई महानगर प्रदेश विकास प्राधिकरणाला पत्र लिहून तात्काळ चौकशी करण्याची तसेच दोषींवर कठोर कारवाई करण्याची मागणी केली आहे. यासोबतच पॅरापेट भिंत कोसळल्याच्या आधीच्या घटनेच्या चौकशी अहवालाची प्रत सार्वजनिक करण्याचीही त्यांनी मागणी केली आहे.


एमएमआरडीए चे आयुक्त संजय मुखर्जी यांना पाठवलेल्या पत्रात कोटेचा यांनी मुलुंड पश्चिम येथील लाल बहादूर शास्त्री मार्गावर सुरू असलेल्या मुंबई मेट्रो लाईन ४ प्रकल्पस्थळी वारंवार होणाऱ्या सुरक्षा त्रुटींचा मुद्दा उपस्थित केला. एकाच ठिकाणी अशा घटना पुन्हा पुन्हा घडत असल्याने ही गंभीर बाब असल्याचे त्यांनी नमूद केले.


आमदार कोटेचा यांनी पुढे सांगितले की, सुमारे दोन महिन्यांपूर्वी याच ठिकाणी पॅरापेट भिंतीचा एक भाग कोसळून एका व्यक्तीचा मृत्यू झाला होता, तर तिघेजण जखमी झाले होते. सोमवारी सकाळी त्याच ठिकाणापासून अवघ्या १० मीटर अंतरावर आणखी एक घटना घडली. त्यात लाकडी फळी धावत्या कारवर कोसळली. या घटनेत कोणतीही जीवितहानी झाली नसली तरी अशा घटना पुन्हा घडत असल्याने गंभीर निष्काळजीपणा आणि सुरक्षा नियमांचे पालन होत नसल्याचे स्पष्ट असल्याचे त्यांनी म्हटले आहे.


या वारंवार घडणाऱ्या घटनांच्या पार्श्वभूमीवर लाकडी फळी कोसळल्याच्या घटनेची तात्काळ चौकशी करण्यात यावी, तसेच पॅरापेट भिंत कोसळल्याच्या आधीच्या चौकशी अहवालाची प्रत देण्यात यावी, अशी मागणी कोटेचा यांनी केली. त्यांनी मिलान बिल्डटेक एलएलसी यांना दिलेला करार रद्द करण्याची आणि दोषींवर कठोर कारवाई करण्याच्या मागणीचा पुनरुच्चार केला.


नागरिकांची सुरक्षितता ही सर्वोच्च प्राधान्य असली पाहिजे. अशा प्रकारच्या वारंवार होणाऱ्या सुरक्षा त्रुटी सहन केल्या जाणार नाहीत. जनतेचा विश्वास परत मिळवण्यासाठी आणि अशा घटना पुन्हा घडू नयेत यासाठी एमएमआरडीएने तात्काळ पावले उचलावीत, असेही त्यांनी म्हटले.

Comments
Add Comment

Central Railway : नेव्ही हाफ मॅरेथॉनसाठी मध्य रेल्वेच्या 2 विशेष लोकल; कल्याण आणि पनवेलहून मध्यरात्री सुटणार

मुंबई : ‘डब्ल्यूएनसी नेव्ही हाफ मॅरेथॉन-2026’ मध्ये सहभागी होणाऱ्या धावपटूंच्या सोयीसाठी मध्य रेल्वेने 2 विशेष

Western Railway Mega Block : रविवारी पश्चिम रेल्वेचा ५ तासांचा जम्बो ब्लॉक; चर्चगेट ते मुंबई सेंट्रल दरम्यान रेल्वे वाहतुकीत बदल

मुंबई : पश्चिम रेल्वेच्या मार्गावरून रविवार, २२ नोव्हेंबर २०२६ रोजी प्रवास करणाऱ्यांसाठी महत्त्वाची सूचना आहे.

Tiger Shroff Firing Case : टायगर श्रॉफच्या घराबाहेरील गोळीबार प्रकरणात मोठा ट्विस्ट; फरार अभिषेक पंडितविरोधात 'लूकआऊट' जारी, पत्नीला अटक

मुंबई : बॉलिवूड अभिनेता टायगर श्रॉफ (Tiger Shroff) याच्या निवासस्थानाबाहेर झालेल्या गोळीबार प्रकरणाचा तपास आता अधिक

Tiger Shroff Firing Case : टायगर श्रॉफ गोळीबार प्रकरणात मोठी अपडेट; फरार अभिषेक पंडितविरोधात लुकआऊट नोटीस

मुंबई : अभिनेता टायगर श्रॉफच्या गोळीबार प्रकरणात मुंबई क्राईम ब्रँचने महत्त्वाची कारवाई केली आहे. या प्रकरणातील

Samantha Ruth Prabhu news : समंथा प्रभू आणि राज निदिमोरू यांच्या घरी चिमुकल्या 'देव'चे आगमन; पहिला फोटो शेअर करत व्यक्त केला आनंद

मुंबई : लोकप्रिय अभिनेत्री समंथा रूथ प्रभू (Samantha Prabhu) आणि चित्रपट निर्माते राज निदिमोरू (Raj Nidimoru) यांच्या संसारात एका

पुनर्वसनाशिवाय प्रभादेवीतील अतिक्रमणांवर कारवाई नाही; उपमुख्यमंत्री एकनाथ शिंदेंच्या हस्तक्षेपानंतर तोडकामाला स्थगिती

मुंबई : प्रभादेवी रेल्वे स्थानकाच्या पश्चिमेकडील रेल्वेच्या जागेवरील १०१ अतिक्रमित बांधकामांवर तोडकाम