TVK crosses 118 mark : तमिळनाडूत थलपती विजय यांचा मास्टरस्ट्रोक! एका झटक्यात फिरवला गेम, सत्तास्थापनेचा पेच अखेर सुटला

तमिळनाडू : तमिळनाडूच्या राजकीय मैदानातून एक अत्यंत महत्त्वपूर्ण घडामोड समोर येत आहे. अनेक दिवसांपासून सुरू असलेल्या राजकीय सस्पेन्सवर आता पडदा पडणार असून, सुपरस्टार 'थलापथी' विजय (Vijay Thalpathi) यांच्या 'तमिळगा वेत्री कळघम' (टीव्हीके) पक्षाचा सत्तास्थापनेचा मार्ग अखेर सुकर झाला आहे. नुकत्याच पार पडलेल्या तमिळनाडू विधानसभा निवडणुकांनी राज्याच्या राजकारणात मोठा भूकंप घडवून आणला. द्रमुक (DMK) आणि अण्णाद्रमुक (AIADMK) यांसारख्या दशकांपासून राज्यावर अधिराज्य गाजवणार्‍या प्रस्थापित पक्षांना विजय यांच्या 'टीव्हीके'ने अक्षरशः धूळ चारली. या निवडणुकीत 'टीव्हीके'ने तब्बल १०८ जागांवर निर्विवाद वर्चस्व प्रस्थापित करत सर्वांत मोठा पक्ष बनण्याचा मान मिळवला. दुसरीकडे, या राजकीय लाटेत सत्ताधारी द्रमुक आणि अण्णाद्रमुकचा दारुण पराभव झाला असून, खुद्द विद्यमान मुख्यमंत्री एम. के. स्टॅलिन यांनाही पराभवाचा धक्कादायक सामना करावा लागला आहे. याबाबतची अधिकृत घोषणा खुद्द विजय आज सायंकाळी एका विशेष पत्रकार परिषदेत करण्याची शक्यता आहे.



बहुमताचा संघर्ष आणि राज्यपालांची भूमिका


सर्वाधिक जागा मिळवूनही 'टीव्हीके'समोर बहुमताचे मोठे आव्हान उभे होते. तमिळनाडूच्या विधानसभेत सत्ता स्थापन करण्यासाठी ११८ या जादुई आकड्याची आवश्यकता असते. १०८ जागा जिंकलेल्या विजय यांना बहुमतासाठी आणखी १० आमदारांची गरज होती. अशा वेळी काँग्रेस पक्षाने पाठिंब्याचा हात पुढे केल्याने 'टीव्हीके'चे संख्याबळ ११२ वर पोहोचले. तरीही सत्तेच्या चाव्या मिळवण्यासाठी ६ आमदारांची वाणवा होतीच. या संख्याबळाच्या जोरावर विजय यांनी सलग दोन वेळा राज्यभवनावर धडक देत सत्तास्थापनेचा दावाही केला होता. मात्र, राज्यपालांनी घटनात्मक नियमांवर बोट ठेवत त्यांना पूर्ण ११८ आमदारांच्या पाठिंब्याचे स्वाक्षरीयुक्त पत्र सादर करण्याचे स्पष्ट निर्देश दिले होते. त्यावेळी प्रत्यक्षात केवळ ११२ आमदारांचेच संख्याबळ असल्याने विजय आणि त्यांच्या पक्षासमोर मोठा पेच निर्माण झाला होता.



डाव्यांची साथ आणि पेचप्रसंगाचा शेवट


अखेर सत्तास्थापनेचा हा गुंता आता पूर्णपणे सुटल्याचे चित्र आहे. विश्वसनीय सूत्रांनी दिलेल्या माहितीनुसार, सीपीआय (CPI) आणि सीपीएम (CPM) या दोन्ही प्रमुख डाव्या पक्षांनी 'टीव्हीके'ला आपला अधिकृत पाठिंबा जाहीर करण्याचा निर्णय घेतला आहे. या नव्या राजकीय समीकरणांमुळे थलापथी विजय यांनी सत्तास्थापनेसाठी आवश्यक असलेला ११८ आमदारांचा बहुमताचा जादुई आकडा यशस्वीरित्या गाठला आहे. या महत्त्वपूर्ण राजकीय विजयाची आणि नव्या सरकारच्या रूपरेषेची अधिकृत घोषणा आज सायंकाळी ४ वाजता आयोजित करण्यात आलेल्या पत्रकार परिषदेत केली जाण्याची दाट शक्यता आहे. या घोषणेकडे संपूर्ण राज्याचे लक्ष लागून आहे.



अण्णाद्रमुकचा नकार आणि अंतिम यश


या बहुमताच्या जुळवाजुळवीपूर्वी राजकारणात अनेक नाट्यमय घडामोडी घडल्या. सुरुवातीला बहुमताचा आकडा गाठण्यासाठी थलापथी विजय यांनी थेट अण्णाद्रमुकशी (AIADMK) संपर्क साधून त्यांच्याकडे पाठिंब्याची मागणी केली होती. मात्र, अण्णाद्रमुकने विजय यांच्या या प्रस्तावाला स्पष्ट शब्दांत नकार दिला. यामुळे, निवडणुकीत सर्वांत मोठा पक्ष म्हणून उदयास येऊनही 'टीव्हीके'ला सत्तेबाहेर राहावे लागणार की काय, अशी साशंकता राजकीय वर्तुळात निर्माण झाली होती. परंतु, आता काँग्रेस आणि डाव्या पक्षांच्या भक्कम साथीने विजय यांनी हे कठीण वाटणारे बहुमताचे गणित यशस्वीपणे सोडवले असून, तमिळनाडूत नव्या पर्वाची सुरुवात होण्यावर शिक्कामोर्तब झाले आहे.

Comments
Add Comment

IBPS Mains Result 2026 : IBPS PO मुख्य परीक्षेचा निकाल जाहीर; 7,565 पदांसाठी भरती, पात्र उमेदवारांना मुलाखतीची संधी

Education News: बँकिंग क्षेत्रात नोकरीच्या शोधात असलेल्या उमेदवारांसाठी महत्त्वाची बातमी आहे. इन्स्टिट्यूट ऑफ बँकिंग

PM Modi Bihar Visit : PM मोदींचा वैशाली दौरा! बिहारला मिळणार ३४,४७० कोटींच्या प्रकल्पांची मोठी भेट!

नवी दिल्ली : पंतप्रधान नरेंद्र मोदी उद्या, शनिवार (२१ नोव्हेंबर) रोजी बिहारच्या महत्त्वपूर्ण दौऱ्यावर जात आहेत.

Unique Temples In India : देवाला वाहिली जाते दारू, पेटती सिगारेट आणि खेळण्यातली विमाने! भारतातील या अनोख्या मंदिरांमधील विचित्र प्रथा वाचून व्हाल थक्क

नवी दिल्ली : आपल्या देशात मंदिरात गेल्यानंतर देवाच्या चरणी फुले, नारळ, पेढे आणि अगरबत्ती वाहणे ही अगदी नेहमीची

Yogi Adityanath News : योगी आदित्यनाथ यांच्यावर दुःखाचा डोंगर; मातोश्री सावित्री देवी यांचे निधन, कंगना रणौतची भावूक पोस्ट

उत्तर प्रदेशचे मुख्यमंत्री योगी आदित्यनाथ यांच्यावर आज दुःखाचा डोंगर कोसळला आहे. त्यांच्या मातोश्री सावित्री

Assam Elephant Calf : आईने नाकारले, पण 'वनतारा'ने स्वीकारले; आसाममधील जखमी हत्तीच्या पिल्लाला विशेष विमानाने गुजरातला आणणार

जामनगर : जन्मानंतर अवघ्या काही दिवसांतच स्वतःच्या आईकडून नाकारल्या गेलेल्या आणि गंभीर जखमी झालेल्या एका दोन

उत्तर प्रदेशचे मुख्यमंत्री योगी आदित्यनाथ यांना मातृशोक, वयाच्या 91 व्या वर्षी घेतला अखेरचा श्वास

उत्तर प्रदेश: उत्तर प्रदेशचे मुख्यमंत्री योगी आदित्यनाथ यांच्या आई सावित्री देवी यांचे शुक्रवारी उत्तराखंड