ऋषिकेश : उत्तराखंडमधील ऋषिकेश (Uttarakhand Train Accident) येथे उज्जयनी एक्सप्रेसशी संबंधित धक्कादायक घटना समोर आली आहे. स्टेशन यार्डमध्ये शंटिंग सुरू असताना उज्जयनी एक्सप्रेस अचानक अनियंत्रित झाली आणि इंजिनासह काही डबे भिंत तोडून रुळावरून घसरले. या घटनेमुळे रेल्वे प्रशासनात एकच खळबळ उडाली आहे.
सुदैवाने अपघाताच्या वेळी ट्रेन पूर्णपणे रिकामी होती. कोणताही प्रवासी किंवा रेल्वे कर्मचारी डब्यांमध्ये नसल्याने मोठी जीवितहानी टळली. त्यामुळे एक मोठी दुर्घटना होण्यापासून बचाव झाला. (Uttarakhand Train Accident)
या घटनेमुळे रेल्वेच्या तांत्रिक देखभाल आणि सुरक्षा व्यवस्थेवर पुन्हा प्रश्नचिन्ह उपस्थित केले जात आहे. वेळेत परिस्थिती नियंत्रणात आल्याने मोठा अनर्थ टळला असला तरी रेल्वे प्रशासनाने याप्रकरणी गंभीर दखल घेतली आहे. (Uttarakhand Train Accident)
दरम्यान, या अपघाताचा व्हिडिओ सोशल मीडियावर व्हायरल होत असून नागरिकांकडून रेल्वे सुरक्षेबाबत चिंता व्यक्त केली जात आहे. (Uttarakhand Train Accident)