कोलकाता : आंतरराष्ट्रीय योग दिन २०२६ निमित्त कोलकाता येथे आयोजित विशेष कार्यक्रमात पंतप्रधान नरेंद्र मोदी (International Yoga Day 2026 PM Modi) यांनी योगाचे महत्त्व अधोरेखित करत मानवतेला एकत्र जोडण्याचा संदेश दिला. योग हा केवळ व्यायाम किंवा शारीरिक श्रमाचा प्रकार नसून तो मानवी चेतना, ऊर्जा आणि एकतेचा मार्ग असल्याचे त्यांनी सांगितले.
पश्चिम बंगाल ही रामकृष्ण परमहंस आणि स्वामी विवेकानंद यांसारख्या महान संतांची भूमी असल्याचे नमूद करत मोदी म्हणाले की, या संतांनी योग आणि अध्यात्माचा संदेश जगभर पोहोचवला. अशा पवित्र भूमीवर हजारो लोकांसोबत योगाभ्यास करणे हा एक अद्वितीय आध्यात्मिक अनुभव आहे. (International Yoga Day 2026 PM Modi)
"संपूर्ण जीवनच योग आहे" :
महर्षी अरविंद यांच्या विचारांचा उल्लेख करत पंतप्रधान म्हणाले, "आपल्याला जाणीव असो वा नसो, आपले संपूर्ण जीवनच योग आहे." जेव्हा योग जीवनशैलीचा अविभाज्य भाग बनतो, तेव्हा तो व्यक्तीला स्वतःशी आणि समाजाला मानवतेशी जोडतो. योग कोणत्याही एका वयोगटापुरता मर्यादित नसून तो प्रत्येकासाठी जीवन समृद्ध करणारा मार्ग आहे, असेही त्यांनी स्पष्ट केले. (International Yoga Day 2026 PM Modi)
जगभरात योग दिनाचा उत्साह :
यंदाच्या आंतरराष्ट्रीय योग दिनानिमित्त जगभरातील २१० हून अधिक भारतीय दूतावासांमार्फत सुमारे २,५०० ठिकाणी विशेष कार्यक्रम आयोजित करण्यात आले आहेत. भारतातही १०० हून अधिक ऐतिहासिक आणि सांस्कृतिक स्थळांवर योग दिन साजरा केला जात आहे. या निमित्ताने संपूर्ण जग योगाच्या माध्यमातून एकत्र आल्याचे चित्र पाहायला मिळत असल्याचे मोदी यांनी सांगितले. (International Yoga Day 2026 PM Modi)
वय वाढले तरी ऊर्जा वाढली पाहिजे :
योगामुळे व्यक्ती शारीरिक आणि मानसिकदृष्ट्या अधिक सक्षम बनते, असे सांगताना पंतप्रधानांनी एक महत्त्वपूर्ण संदेश दिला. "वयाच्या २० व्या वर्षापेक्षा ४० व्या वर्षी अधिक लवचिक, ३० व्या वर्षापेक्षा ५० व्या वर्षी अधिक उत्साही आणि ४० व्या वर्षापेक्षा ७० व्या वर्षी आजारांशी लढण्यास अधिक सक्षम बनणे हे आपले ध्येय असले पाहिजे," असे ते म्हणाले. (International Yoga Day 2026 PM Modi)
हिमालयापासून सागरापर्यंत योगाची ऊर्जा :
योग दिनानिमित्त देशभरात उत्साहाचे वातावरण असल्याचे सांगताना मोदी म्हणाले की, हिमालयापासून हिंद महासागरापर्यंत, ईशान्य भारतापासून सौराष्ट्रापर्यंत संपूर्ण देश योगाच्या ऊर्जेने भारलेला दिसत आहे. जगाच्या विविध भागांतून येणारी योग दिनाची दृश्ये भारताच्या सांस्कृतिक शक्तीची साक्ष देत आहेत. (International Yoga Day 2026 PM Modi)
पश्चिम बंगालच्या स्वच्छता मोहिमेचे कौतुक :
योग दिनाच्या पार्श्वभूमीवर पश्चिम बंगालमधील नागरिकांनी राबवलेल्या स्वच्छता अभियानाचेही पंतप्रधानांनी कौतुक केले. योग केवळ शरीर आणि मन शुद्ध करत नाही, तर समाजात सकारात्मक बदल घडवून आणण्याची प्रेरणाही देतो, असे त्यांनी नमूद केले. "योग म्हणजे जोडणे. तो व्यक्तीला, समाजाला आणि संपूर्ण मानवजातीला एकत्र आणतो. आज संपूर्ण जग योगाच्या माध्यमातून एकमेकांशी जोडले गेले आहे आणि हीच योगाची खरी ताकद आहे," अशा शब्दांत पंतप्रधान मोदी यांनी आपला संदेश समाप्त केला. (International Yoga Day 2026 PM Modi)