तिरुपती : आशियातील सर्वात श्रीमंत उद्योगपतींपैकी एक असलेल्या मुकेश अंबानी यांचे सुपुत्र आणि रिलायन्स इंडस्ट्रीज लिमिटेडचे (Reliance Industries Limited) कार्यकारी संचालक अनंत अंबानी सध्या सोशल मीडियावर चर्चेचा विषय बनले आहेत. अनंत अंबानी यांनी रविवार, २८ जून रोजी तिरुमला येथील भगवान व्यंकटेश्वर (बालाजी) मंदिराला भेट दिली. त्यांनी सकाळच्या सुप्रभजन सेवेत भाग घेतला आणि आपली लांबलचक केशभूषा देवाच्या चरणी अर्पण केले. जगातील सर्वात श्रीमंत व्यक्तीने देवाला आपले केस अर्पण करून आपल्या अहंकाराचा त्याग केला. याबाबत सोशल मीडियावर चर्चा सुरू झाली आहे.दर्शनानंतर मंदिरातील रंगनायकुला मंडपम येथे वैदिक विद्वानांनी अनंत अंबानी यांना 'वेदाशीर्वचनम्' देऊन आशीर्वाद दिला. तसेच तिरुमला तिरुपती देवस्थानमच्या (TTD) वतीने त्यांना श्रीवारी तीर्थप्रसाद आणि मानाची रेशमी शाल देऊन सन्मानित करण्यात आले.
मंदिराला २७ कोटींची भेट देणार !
या भक्तीमय प्रसंगी अनंत अंबानीने (Anant Ambani) तिरुपतीच्या देवस्थानासाठी एक मोठा घोषणा केली. रिलायन्सकडून देवसथानला सुमारे २७ कोटी रुपये किमतीच्या २५ आधूनिक इलेक्ट्रिक बस दान करण्यात येणार आहेत. या बसेस चालवण्यासाठी लागहणाऱ्या ५० ड्रायव्हर्सचा पगार आणि इतर सुविधाही कंपनी तर्फे केले जाणार आहे.याशिवाय तिरुमलामध्ये या बसेसच्या सुलभ वाहतुकीसाठी आवश्यक ईव्ही चार्जिंग स्टेशन्स (EV Charging Stations) उभारण्यासही त्यांनी पूर्ण पाठिंबा दर्शवला आहे.
सोशल मिडीयावर चर्चांना उधाण
अनंत अंबानी यांचे लांब केस ही त्यांची ओळख होती, मात्र तिरुपतीमध्ये केसांचे त्याग करुन , आपली एक वेगळीच प्रतिम निर्माण केली आहे.भगवान श्रीकृष्ण आणि श्रीनाथजी यांच्यावर त्यांची अथांग श्रद्धा आहे. काही महिन्यांपूर्वीच आपल्या लग्नाआधी त्यांनी सर्व सुखसोयींचा त्याग करून द्वारकाधीश चरणी मैलोन्मैल पायी पदयात्रा केली होती. प्राण्यांवरील त्यांचे अपार प्रेम आणि त्यांच्या सेवेसाठी उभारलेले 'वनतारा' हे देखील त्यांच्या याच करुणामयी भक्तीचे रूप मानले जाते आहे.