नवी दिल्ली : राज्यसभेचे अध्यक्ष सी. पी. राधाकृष्णन(CP Radhkrushna) यांनी सोमवारी राज्यसभेच्या सात नवनिर्वाचित आणि पुनर्निर्वाचित सदस्यांना पदाची शपथ दिली.
शपथ घेतलेल्या सदस्यांमध्ये मानसिंग मेरामन परमार, तरुण चुघ, डॉ. अलका सिंह, जितेंद्र मेघजीभाई कंजारिया, राजेंद्र हिरालाल जैन, एम. नागराजा आणि अधिकारिमायुम शारदा देवी यांचा समावेश आहे. काँग्रेस अध्यक्ष मल्लिकार्जुन खर्गे यांनीही सोमवारी राज्यसभा सदस्य म्हणून शपथ घेतली. ते सलग दुसऱ्यांदा कर्नाटकातून राज्यसभेचे सदस्य म्हणून कार्यरत आहेत.
यापैकी पाच सदस्यांनी हिंदीत, एकाने कन्नडमध्ये, एकाने पंजाबीमध्ये आणि एकाने मणिपुरीमध्ये शपथ घेतली. यापैकी दोन सदस्य गुजरातचे, तर प्रत्येकी एक सदस्य कर्नाटक, मध्य प्रदेश, महाराष्ट्र, मणिपूर आणि राजस्थानचे प्रतिनिधित्व करतो.
राज्यसभेचे उपसभापती हरिवंश, सभागृह नेते आणि केंद्रीय मंत्री जगत प्रकाश नड्डा, संसदीय कामकाज मंत्री किरेन रिजिजू, कायदा आणि न्याय राज्यमंत्री अर्जुन राम मेघवाल, राज्यसभा सदस्य जयराम रमेश आणि प्रफुल्ल पटेल, राज्यसभा महासचिव पी.सी. मोदी आणि सचिवालयाचे इतर वरिष्ठ अधिकारीही याप्रसंगी उपस्थित होते.