FIFA World Cup 2026 : FIFA World Cup 2026 च्या पहिल्या सेमी फायनल (Semi Final) सामन्यात युरोपियन चॅम्पियन स्पेनने (Spain) फ्रान्सचा (France) २-० असा पराभव करत दिमाखात फायनल (Final) गाठले. स्पेनच्या प्रसिद्ध टिकी-टाका (Tiki-Taka) शैलीपुढे फ्रान्सचा अटॅक (Attack) आणि डिफेन्स (Defense) पूर्णपणे निष्प्रभ ठरला. या पराभवामुळे किलियन एम्बाप्पेचे (Kylian Mbappe) सलग तिसऱ्यांदा विश्वचषकाच्या अंतिम फेरीत पोहोचण्याचे स्वप्न भंगले. विश्वचषकात (World Cup) फ्रान्सने सलग सहा विजयांसह उपांत्य फेरी गाठली होती. विशेष म्हणजे या स्पर्धेत त्यांनी एकदाही पिछाडी स्वीकारली नव्हती. मात्र स्पेनविरुद्ध हा विक्रम मोडला.
लुकास डिग्नेची (Lucas Digne) चूक ठरली निर्णायक
सामन्याच्या २२व्या मिनिटाला फ्रान्सचा लेफ्ट-बॅक (Left Back) लुकास डिग्ने (Lucas Digne) चेंडू क्लिअर (Clear) करण्याच्या प्रयत्नात चुकून लामिन यामालला (Lamine Yamal) धडकला. रेफ्रीने (Referee) लगेच पेनल्टी (Penalty) दिली. स्पेनचा स्टार फॉरवर्ड (Forward) मिकेल ओयारझाबालने (Mikel Oyarzabal) कोणतीही चूक न करता पेनल्टीचे गोलमध्ये रूपांतर केले. फ्रान्सचा गोलकीपर (Goalkeeper) माईक मेन्याँ (Mike Maignan) योग्य दिशेला झेपावला, मात्र चेंडू त्याच्या आवाक्याबाहेर गेला. हा क्षणच सामन्याचा मोठा टर्निंग पॉइंट (Turning Point) ठरला.
स्पेनने फ्रान्सला पुनरागमनाची संधीच दिली नाही
पहिल्या गोलनंतर फ्रान्सचा आत्मविश्वास ढासळला. प्रशिक्षक (Coach) डिडिएर डेशाँ (Didier Deschamps) देखील नाराज दिसत होते. स्पेनने चेंडूवरील नियंत्रण कायम ठेवत फ्रान्सला पुनरागमनाची कोणतीही संधी दिली नाही. या स्पर्धेतील ओयारझाबालचा हा पाचवा गोल ठरला. तसेच स्पेनसाठी ६० आंतरराष्ट्रीय सामन्यांत त्याने ३० गोलांचा टप्पा गाठला.
पेड्रो पोरोने (Pedro Porro) विजयावर शिक्कामोर्तब केले
दुसऱ्या हाफमध्ये (Second Half) पेड्रो पोरोने (Pedro Porro) शानदार गोल करत स्पेनची आघाडी २-० अशी केली. त्यानंतर फ्रान्सला सामना पलटवता आला नाही आणि स्पेनने विजय निश्चित केला. दरम्यान, १९ वा वाढदिवस साजरा केल्यानंतर मैदानात उतरलेल्या लामिन यामालचा (Lamine Yamal) एक गोल अतिशय निसटत्या ऑफसाइड (Offside) निर्णयामुळे रद्द करण्यात आला. मात्र सुरुवातीच्या आक्रमणात त्याच्या उत्कृष्ट खेळदृष्टीने स्पेनला मोठा फायदा मिळाला.
२०१० नंतर दुसऱ्यांदा फायनलमध्ये स्पेन
या विजयासह स्पेनने २०१० नंतर दुसऱ्यांदा FIFA World Cup Final मध्ये प्रवेश केला आहे. आता रविवारी न्यू जर्सीतील (New Jersey) ईस्ट रदरफोर्ड (East Rutherford) येथे होणाऱ्या अंतिम सामन्यात स्पेनचा सामना विद्यमान चॅम्पियन अर्जेंटिना (Argentina) आणि इंग्लंड (England) यांच्यातील दुसऱ्या सेमी फायनलच्या विजेत्याशी होणार आहे.