नवी दिल्ली : भारतीय वेटलिफ्टिंगची स्टार खेळाडू मीराबाई चानूने (Mirabai Chanu) पुन्हा एकदा इतिहास रचला आहे. ग्लासगो येथे सुरू असलेल्या राष्ट्रकुल क्रीडा स्पर्धा २०२६ मध्ये महिलांच्या ४८ किलो वजनी गटात सुवर्णपदक जिंकत मीराबाईने सलग तिसऱ्यांदा राष्ट्रकुल स्पर्धेत सुवर्ण कामगिरी केली आहे. तिच्या या ऐतिहासिक यशाबद्दल राष्ट्रपती द्रौपदी मुर्मू, पंतप्रधान नरेंद्र मोदी यांच्यासह अनेक मान्यवरांनी तिचे अभिनंदन केले आहे.
पंतप्रधान नरेंद्र मोदी (Narendra Modi) यांनी मीराबाईच्या (Mirabai Chanu) कामगिरीचे कौतुक करत म्हटले की, "मीराबाई चानूने भारतीय वेटलिफ्टिंगच्या इतिहासात आणखी एक सुवर्ण अध्याय जोडला आहे." तसेच पुरुषांच्या ६० किलो वजनी गटात रौप्यपदक जिंकणाऱ्या ऋषिकांत सिंगचेही त्यांनी अभिनंदन केले.
मीराबाईची विक्रमी कामगिरी :
मीराबाई चानूने ग्लासगो राष्ट्रकुल स्पर्धेत (Glasgow Commonwealth Games) आपल्या दमदार कामगिरीने पुन्हा एकदा भारताचे वर्चस्व सिद्ध केले. तिने स्नॅच प्रकारात राष्ट्रकुल आणि राष्ट्रकुल स्पर्धेचे विक्रम मोडले, तसेच क्लीन अँड जर्क आणि एकूण वजनातही नवे विक्रम प्रस्थापित केले. ऑलिम्पिक रौप्यपदक विजेती मीराबाई आता राष्ट्रकुल स्पर्धेत सलग तीन सुवर्णपदके जिंकणारी भारतीय वेटलिफ्टर ठरली आहे. यापूर्वी तिने २०१८ आणि २०२२ राष्ट्रकुल स्पर्धेत सुवर्णपदक पटकावले होते.
राष्ट्रपती मुर्मूंकडून अभिनंदन :
राष्ट्रपती द्रौपदी मुर्मू (President Draupadi Murmu) यांनी सोशल मीडिया प्लॅटफॉर्म ‘एक्स’वर मीराबाईचे अभिनंदन करत म्हटले की, तिची कामगिरी ही धैर्य, दृढनिश्चय आणि उत्कृष्टतेचे प्रतीक आहे. तिच्या यशामुळे देशातील तरुण खेळाडूंना प्रेरणा मिळेल, असेही राष्ट्रपतींनी नमूद केले.
Heartiest congratulations to Mirabai Chanu on winning India's first Gold medal at the Commonwealth Games 2026 in the women's 48 kg weightlifting event. With consecutive Gold medals at Commonwealth Games, she has showcased exceptional grit, determination and excellence. Her…
— President of India (@rashtrapatibhvn) July 26, 2026
मोदींकडून कौतुकाचा वर्षाव :
पंतप्रधान मोदी (Narendra Modi) यांनी मीराबाईला शुभेच्छा देताना सांगितले की, राष्ट्रकुल स्पर्धेत सलग सुवर्णपदके जिंकण्याचा विक्रम आणि एकूण चौथे राष्ट्रकुल पदक मिळवण्याची कामगिरी ही देशासाठी अभिमानाची बाब आहे.
Another glorious chapter in Indian Weightlifting!
The talented Mirabai Chanu once again showcased her skills at the Commonwealth Games with a stunning performance in the 48 kg category and winning Gold. With back-to-back Commonwealth Games Golds and an overall fourth CWG medal… pic.twitter.com/37IOvMXBTI
— Narendra Modi (@narendramodi) July 26, 2026
राजनाथ सिंह आणि मांडवियांनीही केले कौतुक :
संरक्षण मंत्री राजनाथ सिंह (Rajnath Singh) यांनीही मीराबाईच्या ऐतिहासिक कामगिरीचे कौतुक केले. त्यांनी म्हटले की, हे सुवर्णपदक तिच्या अनेक वर्षांच्या कठोर मेहनतीचे, समर्पणाचे आणि जिद्दीचे फळ आहे. केंद्रीय क्रीडा मंत्री मनसुख मांडविया यांनी मीराबाईच्या यशाला "सुवर्णपदकांची हॅट्रिक" असे संबोधले. तिची सातत्यपूर्ण कामगिरी आणि मेहनत भारताला जागतिक स्तरावर अभिमान मिळवून देत असल्याचे त्यांनी म्हटले.
Congratulations to Mirabai Chanu on winning the Gold Medal in Weightlifting at the Glasgow Commonwealth Games 2026.
Her unwavering determination and relentless pursuit of excellence have brought glory to the nation. This remarkable achievement reflects the spirit of… pic.twitter.com/mzM8dw82lH
— Rajnath Singh (@rajnathsingh) July 26, 2026