Earthquake in Japan : जपानमध्ये ५.९ रिश्टर स्केलचा भूकंप, अनेक जखमी

टोकियो : जपानमध्ये रविवारी मध्यरात्री दोन वाजता कांटो प्रदेशात ५.९ रिश्टर स्केलच्या भूकंपाची नोंद झाली. टोकियोच्या अदाची वॉर्डमध्ये आणि इबाराकी, सैतामा तसेच चिबा प्रांतांमधील काही नगरपालिकांमध्ये भूकंपाची तीव्रता ५ पेक्षा कमी नोंदवली गेली. भूकंपाचा केंद्रबिंदू दक्षिण इबाराकी प्रांतात ७० किलोमीटर खोलीवर होता. या भूकंपानंतर त्सूनामीचा इशारा देण्यात आलेला नाही. पण मध्यरात्री झालेल्या भूकंपामुळे किमान ३७ नागरिक जखमी झाले.



भूकंपामुळे पडझड झाल्याची आणि काही नागरिक जखमी झाल्याची माहिती मिळताच प्रशासन सतर्क झाले. तातडीने घटनास्थळी मदत पाठवण्यात आली. टोकियोमध्ये १५, सैतामामध्ये नऊ, कानागावामध्ये आठ, चिबामध्ये चार आणि इबाराकीमध्ये एक जण जखमी झाले.



ज्यावेळी भूकंप झाला त्यावेळी अनेकजण गाढ झोपेत होते. जमीन हादरत असल्याचे जाणवताच गाढ झोपेतून घाबरून उठल्यामुळे काही जण बेडवरून पडले आणि जखमी झाले. तर काही जण झोपेतून उठताना भिंत किंवा फर्निचरला धडकले आणि जखमी झाले, असे स्थानिक प्रशासनाने सांगितले. कानागावा प्रांतातील योकोहामा येथे ८० वर्षांचा महिलेला पलंगावरून पडल्यामुळे कमरेला गंभीर दुखापत झाली.



भूकंपामुळे टोकियो आणि नारिता विमानतळाकडे जाणाऱ्या एक्सप्रेस गाड्यांना आणि ईशान्येकडील भागांत जाणाऱ्या इतर लोकल गाड्यांना विलंब झाला, परंतु शिंकांसेन बुलेट ट्रेन नेहमीप्रमाणे धावत होत्या, असे ईस्ट जपान रेल्वे कंपनीने सांगितले.



भूकंपामुळे नेमके किती नुकसान झाले याचा अंदाज घेण्यासाठी जपान सरकारने एक समिती स्थापन केली आहे. ही समिती विविध ठिकाणांहून माहितीचे संकलन करून विश्लेषण करत आहे. पुढील काही दिवसांत जपानमध्ये आणखी भूकंपांची शक्यता आहे. ज्या भागात मध्यरात्री भूकंप झाला त्याच भागात काही दिवसांत भूकंपांचे आणखी धक्के (Aftershock) बसण्याची शक्यता आहे. यामुळे नागरिकांना खबरदारी घेण्याचे आवाहन प्रशासनाने केले आहे.



टोकियोच्या पूर्वेकडील कोटो वॉर्डमध्ये भूमिगत जलवाहिनी फुटल्यामुळे रस्त्यावर पाणी येऊ लागले होते. पण तंत्रज्ञांनी युद्धपातळीवर दुरुस्ती करून जलवाहिनीची गळती थांबवली आहे. भूकंप ज्या भागात झाला तिथे तसेच आसापासच्या भागात कोणत्याही ऊर्जा निर्मिती प्रकल्पामध्ये भूकंपामुळे नुकसान झाल्याचे वृत्त आलेले नाही.

Comments
Add Comment

NVIDIA Chip Smuggling : NVIDIA चे माजी वरिष्ठ अधिकारी जय पुरी यांच्या पत्नीचा चिप तस्करी प्रकरणाशी संबंध ? मडी वॉटर्सच्या अहवालाने तंत्रज्ञान विश्वात खळबळ

नवी दिल्ली : एआय (AI) क्षेत्रातील सर्वात मोठी कंपनी मानल्या जाणाऱ्या 'एनव्हीडिया'चे (Nvidia) माजी वरिष्ठ अधिकारी अजय के.

अमेरिकेतील एका निर्णयामुळे सोन्याच्या दरात पडझड? सोन्याचे दर 10 हजारांनी कमी झाले...

मुंबई: नोव्हेंबर महिन्यामध्ये सोन्याच्या दरात लक्षणीय घसरण होताना दिसत आहे. मल्टी कमोडिटी एक्सचेंजकडून

बांगलादेशमध्ये पुन्हा आगडोंब, राजधानी ढाकामध्ये नागरिकांकडून मोठ्या प्रमाणावर जाळपोळ

मुंबई: बांगलादेशमध्ये पुन्हा एकदा राजकीय हिंसाचार आणि जाळपोळीच्या घटना घडताना दिसत आहे. बांगलादेशच्या माजी

26 अब्ज किमी दूर पोहोचला व्हॉयजर-1! 49 वर्षे वीज कुठून मिळते? NASA च्या यानाने रचले इतिहासातील अनेक विक्रम

अंतराळ विश्वातून एक ऐतिहासिक बातमी समोर आली आहे. NASA चे व्हॉयजर-1 हे अंतराळयान पृथ्वीपासून तब्बल 26 अब्ज किलोमीटर

सौदीच्या हवाई हल्ल्यात हूतींचे 60 लष्करी तळ उद्ध्वस्त, 17 जणांचा मृत्यू; कुवेतवरील ड्रोन हल्ल्याने मध्य पूर्वमध्ये प्रचंड खळबळ

मध्य पूर्व आशियात पुन्हा एकदा युद्धाचा वणवा भडकला असून, परिस्थिती अत्यंत स्फोटक बनली आहे. इराण समर्थित हूती

Multibagger Stock : एका दिवसात 233% झेप! या फार्मा शेअरने गुंतवणूकदारांना दिला छप्परफाड परतावा

एखादा स्टॉक कधी आश्चर्यकारक कामगिरी करून गुंतवणूकदारांना श्रीमंत करेल आणि दुसरा कधी त्यांना कंगाल करेल, याचा