कॅलिफोर्निया : अमेरिकेमधील कॅलिफोर्नियामध्ये भारतातील केरळच्या दोन महिलांची हत्या करण्यात आली आहे. या घटनेमुळे एकच खळबळ उडाली असून या हत्याप्रकरणात दोन्ही महिलांच्याच एका जवळच्या मैत्रिणीला पोलिसांनी ताब्यात घेतले आहे. दोन्ही मृत महिला व पोलिसांनी ताब्यात घेतलेली संशयित महिला या तिघी एकमेकींच्या मैत्रिणी होत्या. कॅलिफोर्नियात एकाच अपार्टमेंट कॉम्प्लेक्समध्ये राहणाऱ्या एका मैत्रिणीनेच दुसऱ्या दोन मैत्रिणींची हत्या केल्याचा संशय आहे. या संदर्भात पोलिसांनी तपास सुरू केला आहे. मात्र, या दोन महिलांची हत्या नेमक्या कोणत्या कारणांमुळे करण्यात आली, याचा शोध पोलीस घेत आहेत.
मृतांची ओळख त्रिशूरमधील मुदिक्कोड येथील अंजना हरी आणि तिरुवनंतपुरममधील केशवदासपुरम येथील ॲन मॅथ्यू अशी पटली आहे, तर हत्या केल्याचा संशय असलेली ही महिला केरळच्या कोट्टायमची रहिवासी असून तिची ओळख अनिला म्हणून पटली आहे. ती या दोन्ही महिलांची मैत्रीण होती, अशी माहिती पीडितांच्या कुटुंबीयांनी दिली आहे.
नवी दिल्ली : भारताने सोमवारी सिंधू जल कराराबाबत जागतिक बँकेच्या मध्यस्थीने स्थापन करण्यात आलेल्या कोर्ट ऑफ आर्बिट्रेशन (सीओए)च्या निर्णयाला फेटाळून ...
केंद्रीय मंत्री सुरेश गोपी यांनी सोमवारी या घटनेची पुष्टी केली. मंत्री गोपी यांनी सांगितले की, “सोमवारी सकाळी सॅन फ्रान्सिस्कोमधील भारतीय दूतावासाशी संपर्क साधला असून त्या दोन महिलांचे मृतदेह केरळला परत आणण्यासाठी आवश्यक त्या कायदेशीर प्रक्रिया पूर्ण करण्याची प्रक्रिया सुरू करण्यात आली आहे.”
कुटुंबीयांच्या माहितीनुसार, ॲन मॅथ्यूची अपार्टमेंटमध्येच भोसकून हत्या करण्यात आली, तर अंजनाला कारने धडक देण्यात आली. या हत्येमागचे नेमके कारण अद्याप स्पष्ट झालेले नाही. कुटुंबीयांचा हा आरोप असला तरी अमेरिकन पोलिसांनी या आरोपांबाबत अद्याप सविस्तर माहिती दिलेली नाही.