नागपूर : सोशल मीडियावर अनोळखी व्यक्तीशी झालेली ओळख एका निवृत्त सरकारी अधिकाऱ्याला तब्बल २४ लाखांहून अधिक रुपयांना महागात पडली. UKमधील व्यावसायिक असल्याचे भासवणाऱ्या व्यक्तीने फेसबुकवरून मैत्री केली. त्यानंतर महागडे गिफ्ट पाठवल्याचे सांगत बनावट कुरिअर, कस्टम्स आणि CBI अधिकाऱ्यांच्या माध्यमातून विविध कारणे सांगून पैसे उकळण्यात आल्याची धक्कादायक घटना नागपुरात समोर आली आहे. या प्रकरणी पोलिसांनी तपास सुरू केला आहे.
मुंबई : राज्यातील कनिष्ठ महाविद्यालयांमध्ये इयत्ता ११ वीचे प्रवेश केंद्रीय ऑनलाईन प्रवेश प्रक्रियेद्वारेच करणे बंधनकारक असून, मंजूर क्षमतेपेक्षा ...
फसवणुकीचा नेमका पॅटर्न काय?
- फेसबुकवर UK व्यावसायिक असल्याचे सांगत महिलेची ओळख निर्माण करण्यात आली.
- महागडे गिफ्ट पाठवल्याचे सांगून कुरिअर आणि कस्टम्सच्या नावाखाली पैसे मागण्यात आले.
- नंतर CBI अधिकाऱ्यांचे बनावट रूप धारण करून आणखी रक्कम उकळण्यात आली.
मिळालेल्या माहितीनुसार, ६१ वर्षीय निवृत्त राज्य सरकारी अधिकारी महिलेशी एका व्यक्तीने फेसबुकवरून संपर्क साधला. आपण UKमध्ये व्यवसाय करणारे असल्याचे सांगत त्याने विश्वास संपादन केला. काही काळ संवाद सुरू राहिल्यानंतर त्याने महिलेसाठी महागडे गिफ्ट पाठविल्याचा दावा केला. त्यानंतर या कथित गिफ्टचे कुरिअर नागपुरात पोहोचल्याचे सांगून फसवणुकीचा पुढचा टप्पा सुरू झाला.
महिलेला कथित कुरिअर सोडवण्यासाठी कस्टम्स शुल्क, सोन्याच्या नोंदणीसाठी शुल्क, चलन रूपांतरण आणि इतर विविध कारणांसाठी पैसे भरण्यास सांगण्यात आले. वेगवेगळ्या व्यक्तींनी फोन करून या मागण्या केल्याने महिलेला संपूर्ण प्रक्रिया खरी असल्याचा विश्वास बसला. परिणामी त्यांनी आरोपींनी सांगितलेल्या खात्यांमध्ये टप्प्याटप्प्याने पैसे जमा केल्याचे पोलिसांच्या माहितीतून समोर आले आहे.
फसवणूक इथेच थांबली नाही. काही वेळाने आरोपींनी स्वतःची ओळख CBI अधिकाऱ्यांप्रमाणे करून घेतली आणि कथित चौकशी तसेच कायदेशीर कारवाईची भीती दाखवत आणखी पैसे मागितले. सरकारी यंत्रणेच्या नावाचा वापर केल्यामुळे महिलेचा आरोपींवरील विश्वास आणखी वाढला आणि फसवणुकीची एकूण रक्कम २४ लाख रुपयांपेक्षा अधिक झाली. अखेर संशय निर्माण झाल्यानंतर आपली फसवणूक झाल्याचे महिलेच्या लक्षात आले.
असा प्रकार पुन्हा घडू नये म्हणून काय काळजी घ्याल?
भौतिक सुविधा आणि संस्कारांवरही भर मुंबई : राज्यातील शाळांमध्ये गुणवत्तापूर्ण शिक्षणाला सर्वोच्च प्राधान्य आहे. त्याचबरोबर शाळांमधून भौतिक सुविधा, ...
सायबर तज्ज्ञांच्या मते, अनोळखी व्यक्तीकडून सोशल मीडियावर मैत्रीची विनंती, परदेशातून गिफ्ट, कुरिअर किंवा कस्टम्सच्या नावाने पैसे मागणे आणि त्यानंतर पोलीस किंवा CBIच्या नावाने धमकावणे ही फसवणुकीची महत्त्वाची लक्षणे आहेत. अशा वेळी कोणतेही पैसे पाठवण्याऐवजी संबंधित अधिकृत यंत्रणेशी थेट संपर्क साधणे आवश्यक आहे. फसवणूक झाल्यास तातडीने सायबर हेल्पलाइन १९३० वर संपर्क करणे महत्त्वाचे आहे.