Musician beaten to death : गायक अंकित बलियानच्या हत्येनंतर गायक बलजीत सिंगच्या संशयास्पद मृत्यूची घटना ताजी असतानाच, आता आणखी एका संगीतकाराच्या हत्येची धक्कादायक घटना समोर आली आहे. दिल्लीमध्ये चोंगथम विक्रम सिंह या संगीतकाराला बेदम मारहाण करण्यात आली. गंभीर जखमी झालेल्या विक्रम सिंह यांचा उपचारादरम्यान मृत्यू झाला. या घटनेमुळे मनोरंजन क्षेत्रात खळबळ उडाली आहे.
गोंधळ सुरू होता शांत राहण्यास सांगितलं अन्..
चोंगथम विक्रम सिंह हे मूळचे मणिपूरचे होते. गेल्या काही वर्षांपासून ते दिल्लीमध्ये कुटुंबासोबत राहत होते आणि एका संस्थेसोबत संगीतकार म्हणून काम करत होते. सोमवारी सकाळी त्यांच्या घराबाहेर काही डिलिव्हरी बॉईज आणि ढाब्यावरील कर्मचारी मोठा गोंधळ घालत होते. सततच्या गोंधळामुळे त्रस्त झालेल्या विक्रम सिंह यांनी घराबाहेर येत त्यांना शांत राहण्यास सांगितलं. मात्र, याच कारणावरून वादाला सुरुवात झाली.
Crime News : गुवाहाटीच्या (Guwahati) हाटीगाव परिसरात पत्नीची हत्या केल्याची धक्कादायक घटना समोर आली आहे. हत्येनंतर आरोपीने पत्नीचं शीर धडापासून वेगळं करून ते ...
वाद वाढला अन् लाथा-बुक्क्यांनी मारहाण
बोलाबोलीचं रूपांतर काही वेळातच हाणामारीत झालं. आरोप आहे की, तिथे उपस्थित असलेल्या काही जणांनी विक्रम सिंह यांच्यावर हल्ला केला. त्यांना लाथा-बुक्क्यांनी बेदम मारहाण करण्यात आली. या हल्ल्यात विक्रम सिंह गंभीर जखमी झाले. त्यांना तातडीने रुग्णालयात दाखल करण्यात आलं. मात्र उपचार सुरू असतानाच त्यांचा मृत्यू झाला. घटनेनंतर पोलिसांनी हत्येचा गुन्हा दाखल केला आहे. घटनास्थळी आणि परिसरातील सीसीटीव्ही फुटेज तपासल्यानंतर पोलिसांनी आरोपींची ओळख पटवली. या प्रकरणात एका अल्पवयीन मुलासह आठ जणांना ताब्यात घेतल्याची माहिती समोर आली आहे. पोलिसांकडून आता या संपूर्ण प्रकरणाचा अधिक तपास सुरू आहे.
बलजीत सिंगच्या संशयास्पद मृत्यूनेही खळबळ
दरम्यान, काही दिवसांपूर्वीच ३५ वर्षीय पंजाबी गायक आणि गीतकार बलजीत सिंग यांचा मृतदेह त्यांच्या घरात संशयास्पद अवस्थेत आढळून आला होता. बलजीत सिंग अविवाहित असल्याने ते घरात एकटेच राहत होते. काही दिवसांपासून त्यांचं घर बंद होतं. मात्र घरातून अचानक तीव्र दुर्गंधी येऊ लागल्याने स्थानिक नागरिकांनी पोलिसांना माहिती दिली. त्यानंतर पोलिसांनी घटनास्थळी पोहोचून घराची पाहणी केली आणि बलजीत सिंग यांचा मृतदेह आढळून आला.