Mumbai : राज्यात सध्या सुरू असलेल्या विशेष सखोल पुनरीक्षण (SIR - Special Intensive Revision) मोहिमेअंतर्गत नुकतीच प्रारूप मतदार यादी प्रकाशित करण्यात आली आहे. या यादीतील मतदारांच्या संख्येबाबत माध्यमांमध्ये आलेल्या काही बातम्यांमध्ये, २०२४ च्या विधानसभा निवडणुकीत पडलेल्या एकूण मतांपेक्षा यादीत कमी मतदार असल्याचा दावा केला जात आहे. या पार्श्वभूमीवर प्रशासनाकडून या प्रकरणाची वस्तुस्थिती स्पष्ट करण्यात आली आहे.(Draft Voter List)
Mumbai : सणासुदीचा काळ जवळ येत असताना अन्न व औषध प्रशासनाने (FDA) ग्राहकांच्या आरोग्याशी खेळणाऱ्यांविरुद्ध तीव्र मोहीम उघडली आहे. ठाणे, मुंबई, पुणे आणि ...
पडताळणी आणि वस्तुस्थिती
विशेष सखोल पुनरीक्षण-२०२६ च्या पहिल्या टप्प्यात मतदार प्रत्यक्ष संबंधित पत्त्यावर रहिवासी असल्याबद्दलच्या वस्तुस्थितीची पडताळणी करण्यावर मुख्य भर देण्यात आला होता. अर्जात नमूद केलेल्या पत्त्यावर प्रत्यक्षात न राहणाऱ्या लोकांचा समावेश या प्रारूप यादीत टाळण्यात आला आहे. तसेच मृत मतदारांची नावे देखील यादीतून वगळण्यात आली आहेत.(Draft Voter List)
नवीन नोंदणीसाठी खुली संधी
सध्या सुरू असलेल्या टप्प्याअंतर्गत जे मतदार मूळ पत्त्यावर हजर नाहीत किंवा तिथून इतरत्र राहायला गेले आहेत, मात्र राज्याच्या हद्दीतच वास्तव्य करत आहेत, अशा नागरिकांना त्यांच्या सध्याच्या राहत्या ठिकाणच्या यादीत नाव नोंदवण्यासाठी अर्ज करण्याची संधी उपलब्ध करून देण्यात आली आहे. याशिवाय, १ ऑक्टोबर २०२४ नंतर वयाची १८ वर्षे पूर्ण केलेल्या नवीन तरुणांची नावे नोंदवण्याची प्रक्रिया सुरू आहे. राहत्या ठिकाणावरून दीर्घकाळ अनुपस्थित राहिल्यामुळे किंवा इतर कारणांमुळे ज्यांची नावे पहिल्या टप्प्यात समाविष्ट होऊ शकली नाहीत, ते नागरिकही आता नाव नोंदणीसाठी अर्ज करू शकतात.(Draft Voter List)
संपूर्ण मोहीम नोव्हेंबरमध्ये पूर्ण होणार
सध्या सुरू असलेला हा विशेष टप्पा प्रामुख्याने नवीन नावे नोंदवून घेण्यावर केंद्रित आहे, जेणेकरून एकही पात्र नागरिक मतदार यादीपासून वंचित राहणार नाही. ही संपूर्ण मोहीम नोव्हेंबर महिन्याच्या सुरुवातीला पूर्ण होणार आहे. त्यामुळे सध्याच्या प्रारूप यादीची तुलना आधीच्या आकडेवारीशी (जी संक्षिप्त पुनरीक्षणाच्या अंतिम यादीवर आधारित होती) करणे पूर्णपणे अयोग्य आणि चुकीचे ठरेल, असे प्रशासनाने स्पष्ट केले आहे.(Draft Voter List)
१० हजारांहून अधिक विद्यार्थ्यांच्या हातांनी साकारले बाप्पा पर्यावरणपूरक गणेशमूर्ती निर्मितीचा महाराष्ट्राचा ‘गिनीज वर्ल्ड ...
अंतिम यादीची प्रतीक्षा करण्याचे आवाहन
कोणतीही तुलना किंवा विश्लेषण करायचे असल्यास ते अंतिम यादी अधिकृतपणे प्रसिद्ध झाल्यानंतरच करणे अत्यंत महत्त्वाचे आहे. घाईघाईने काढलेल्या निष्कर्षांमुळे समाजात गैरसमज पसरण्याची शक्यता नाकारता येत नाही. त्यामुळे सर्व संबंधित घटक, प्रसारमाध्यमांचे प्रतिनिधी आणि नागरिकांनी कोणतीही तुलना किंवा मूल्यमापन करण्यापूर्वी अंतिम यादी जाहीर होण्याची वाट पाहावी, अशी नम्र विनंती प्रशासनाकडून करण्यात आली आहे.(Draft Voter List)
