नवी दिल्ली : पाच वेळा विश्वचषक विजेता असलेला ब्राझीलचा फुटबॉल संघ ३ ऑक्टोबर २०२६ रोजी कोलकाता येथील विवेकानंद युवा भारती क्रीडांगणावर भारताविरुद्ध होणाऱ्या ऐतिहासिक मैत्रीपूर्ण सामन्यासाठी सज्ज झाला आहे. या सामन्यासाठी ब्राझीलचे मुख्य प्रशिक्षक कार्लो अँसेलोटी यांनी २६ सदस्यीय अत्यंत मजबूत आणि ताकदवान संघाची घोषणा केली आहे. विशेष म्हणजे, वरिष्ठ ब्राझिलियन पुरुष संघाचा भारतीय भूमीवरील हा पहिलाच आंतरराष्ट्रीय सामना असणार आहे.( Friendly match against India)
ऑस्ट्रेलियन दौऱ्यानंतर भारत दौरा
भारतात येण्यापूर्वी ब्राझीलचा संघ २५ आणि २९ सप्टेंबर रोजी ऑस्ट्रेलियाविरुद्ध दोन मैत्रीपूर्ण सामने खेळेल. त्यानंतर संघ कोलकाता येथे दाखल होईल, जिथे ३ ऑक्टोबर रोजी भारतीय संघाशी त्यांची गाठ पडेल. खालिद जमील यांच्या नेतृत्वाखालील भारतीय संघासाठी जागतिक स्तरावरील सर्वात यशस्वी संघांपैकी एकाविरुद्ध स्वतःची क्षमता सिद्ध करण्याची ही सुवर्णसंधी ठरणार आहे.
मुंबई : सध्या मराठी चित्रपटसृष्टीत अध्यात्म, संतपरंपरा आणि महान व्यक्तिमत्त्वांच्या जीवनावर आधारित चित्रपटांना प्रेक्षकांची विशेष पसंती मिळताना ...
संघात स्टार खेळाडूंचा भरणा
प्रशिक्षक अँसेलोटी यांनी संघात दिग्गज खेळाडूंना स्थान दिले असून, यात बॅलोन डी'ओरसाठी नामांकित तीन फुटबॉलपटूंचाही समावेश आहे. आक्रमक फळीत विनिसियस ज्युनियर, राफिन्हा, अँड्रिक यांच्यासह एस्तेवाओ, जोआओ पेड्रो, पेड्रो, रायन आणि सॅम्युअल लिनो यांचा समावेश करण्यात आला आहे.( Friendly match against India)
संघ रचना खालीलप्रमाणे:
गोलरक्षक: ह्यूगो सूझा, पेड्रो मोरिस्को, ओटाव्हियो
बचावपटू: आर्थर डायस, डग्लस सँटोस, गॅब्रिएल मॅगाल्हेस, जैर, मार्किन्होस, मातुझिन्हो, मौरो ज्युनियर, व्हिटर रेस, वेस्ली
मिडफिल्डर: आंद्रेई सँटोस, ब्रेनो बिडॉन, ब्रुनो गुइमारेस, डॅनिलो सँटोस, डग्लस लुईझ, गॅब्रिएल बोंटेम्पो
फॉरवर्ड्स: अँड्रिक, एस्टेव्हाओ, जोआओ पेड्रो, पेड्रो, राफिन्हा, रायन, सॅम्युअल लिनो, विनिशियस ज्युनियर
छत्रपती संभाजीनगर : मराठवाड्यात कुणबी, मराठा-कुणबी आणि कुणबी-मराठा जात प्रमाणपत्र वाटपाच्या प्रक्रियेला मोठी गती मिळाली आहे. शिंदे समितीच्या ...
या संघात आर्सनलचा स्टार बचावपटू गॅब्रिएल मॅगाल्हेस आणि अनुभवी मार्किन्होस यांच्यावर बचावाची मोठी जबाबदारी असेल. तसेच ब्रुनो गुइमारेस आणि डग्लस लुईझ मिडफिल्डची धुरा सांभाळणार आहेत. जागतिक दर्जाच्या खेळाडूंनी सज्ज असलेला हा संघ भारतीय चाहत्यांसाठी एक मोठी मेजवानी ठरणार यात शंका नाही.( Friendly match against India)