नवी दिल्ली : अमेरिकेतील 11 सप्टेंबर 2001 रोजी झालेल्या दहशतवादी हल्ल्यांना 25 वर्षे पूर्ण होत असताना पंतप्रधान नरेंद्र मोदी यांनी स्वामी विवेकानंद यांच्या शिकागो येथील ऐतिहासिक भाषणाची आठवण करून दिली. स्वामी विवेकानंदांनी 11 सप्टेंबर 1893 रोजी जागतिक धर्म संसदेत दिलेल्या भाषणातून सहिष्णुता, सर्वधर्म समभाव आणि वैश्विक स्वीकाराचा संदेश दिला होता. आजच्या काळातही त्यांचे विचार तितकेच महत्त्वाचे असल्याचे पंतप्रधान मोदी यांनी म्हटले.
पंतप्रधान मोदी यांनी सोशल मीडिया प्लॅटफॉर्म X वर पोस्ट करत स्वामी विवेकानंदांच्या ऐतिहासिक भाषणातील काही विचार शेअर केले. भारताची सांस्कृतिक आणि आध्यात्मिक परंपरा जगासमोर मांडणाऱ्या या भाषणाचा प्रभाव आजही कायम असल्याचे त्यांनी नमूद केले.
आता खुल्या आणि बंदिस्त नाल्यांसह अंतर्गत गटारांचीही करावी लागणार स्वच्छता शौचालयांच्या देखभाल आणि स्वच्छतेचे व्यवस्थापन संबंधित ...
स्वामी विवेकानंदांनी आपल्या भाषणात भारताच्या सहिष्णुतेच्या परंपरेचा उल्लेख केला होता. विविध धर्म आणि श्रद्धांचा स्वीकार करण्याची भारताची भूमिका त्यांनी जगासमोर मांडली. वेगवेगळे धार्मिक मार्ग अखेरीस एकाच ध्येयाकडे पोहोचतात, असा संदेशही त्यांनी दिला होता.
याच भाषणातून विवेकानंदांनी धर्मांधता, कट्टरता आणि धार्मिक द्वेषाचा तीव्र निषेध केला होता. अशा विचारांमुळे जगात हिंसाचार आणि संघर्ष वाढतो, असे त्यांनी सांगितले होते. त्यांच्या या विचारांची आजच्या जागतिक परिस्थितीतही प्रासंगिकता असल्याचे मोदी यांच्या पोस्टमधून अधोरेखित करण्यात आले.
11th September 1893, Chicago.
Swami Vivekananda’s captivating address offered a glimpse of the civilisational ethos of India.
His inspiring words still reverberate across the world. https://t.co/1iz7OgT5Ab
— Narendra Modi (@narendramodi) September 11, 2026
दरम्यान, 11 सप्टेंबर 2001 रोजी अल-कायदाच्या 19 दहशतवाद्यांनी अमेरिकेवर समन्वित हल्ले केले होते. चार प्रवासी विमानांचे अपहरण करण्यात आले होते. त्यापैकी दोन विमाने न्यूयॉर्कमधील वर्ल्ड ट्रेड सेंटरच्या ट्विन टॉवर्सवर आदळली, तर तिसरे विमान पेंटागॉनवर आदळले. चौथे विमान पेनसिल्व्हेनियातील शँक्सविलजवळ कोसळले.
या हल्ल्यांमध्ये 2,977 जणांचा मृत्यू झाला होता. या घटनेनंतर अमेरिकेच्या सुरक्षा आणि दहशतवादविरोधी धोरणांमध्ये मोठे बदल झाले. 11 सप्टेंबरच्या स्मृतिदिनानिमित्त न्यूयॉर्कमधील ग्राऊंड झीरो येथे मृतांना श्रद्धांजली वाहण्यात येते.