न्यूयॉर्क : जर्मनीचा स्टार टेनिसपटू अलेक्झांडर झ्वेरेव्हने शानदार खेळ करत २०२६ च्या अमेरिकन ओपन ग्रँडस्लॅम स्पर्धेचे विजेतेपद आपल्या नावावर केले आहे. न्यूयॉर्कमधील आर्थर ॲश स्टेडियमवर खेळल्या गेलेल्या अत्यंत चुरशीच्या अंतिम सामन्यात त्याने अमेरिकेचा युवा खेळाडू बेन शेल्टनचा ६-३, ७-६ (७-२), ५-७, ६-२ असा पराभव केला.(Alexander Zverev US Open 2026)
सामन्याचा रोमांचक प्रवास
पहिल्या सेटपासूनच झ्वेरेव्हने आक्रमक पवित्रा घेत ६-३ ने पहिला सेट जिंकला. यानंतर दुसरा सेट अटीतटीचा झाला, जो टायब्रेकरपर्यंत गेला; परंतु त्यातही झ्वेरेव्हने सरशी घेत ७-२ ने तो आपल्या नावावर केला. सलग दोन सेट गमावल्यानंतर, २३ वर्षीय अमेरिकन खेळाडू बेन शेल्टनने तिसऱ्या सेटमध्ये जबरदस्त पुनरागमन केले. घरच्या मैदानावरील प्रेक्षकांच्या पाठिंब्याच्या जोरावर त्याने तिसरा सेट ७-५ ने जिंकत सामन्यात रंगत आणली. मात्र, चौथ्या आणि निर्णायक सेटमध्ये झ्वेरेव्हने आपला अनुभव कामाला लावत शेल्टनला कोणतीही संधी दिली नाही आणि सेटसह सामना जिंकून ट्रॉफीवर आपले नाव कोरले.(Alexander Zverev US Open 2026)
दुबई : भारतीय महिला क्रिकेट संघाने पुन्हा एकदा आशियाई क्रिकेटवर आपले वर्चस्व सिद्ध केले आहे. महिला आशिया चषक २०२६च्या अंतिम सामन्यात भारताने ...
भावुक क्षण आणि संस्मरणीय भाषण
विजेतेपद पटकावल्यानंतर झ्वेरेव्ह भावुक झालेला पाहायला मिळाला. विजयानंतर बोलताना त्याने आपल्या कठीण काळाची आठवण काढली. वयाच्या चौथ्या वर्षी डॉक्टरांनी त्याला टेनिस खेळणे अशक्य असलेल्या एका आजाराचे निदान केले होते, असे सांगत त्याने या संघर्षात आई-वडिलांनी केलेल्या मोलाच्या पाठीब्याबद्दल कृतज्ञता व्यक्त केली. विशेषतः, कधीही हार न मानणारी आपली आई ही जगातील सर्वात कणखर स्त्री असल्याचे तो म्हणाला.(Alexander Zverev US Open 2026)
पराभवानंतरही चमकदार कामगिरी करणाऱ्या बेन शेल्टनचे कौतुक करताना झ्वेरेव्ह म्हणाला, "आज माझ्याकडे अमेरिकन ओपनची ट्रॉफी आहे, परंतु भविष्यात एक दिवस तू नक्कीच यूएस ओपन चॅम्पियन बनशील." या विजयासह झ्वेरेव्हने चालू वर्षातील आपले दुसरे आणि कारकिर्दीतील एक महत्त्वपूर्ण ग्रँडस्लॅम जिंकत टेनिस विश्वात आपले वर्चस्व पुन्हा एकदा सिद्ध केले आहे.(Alexander Zverev US Open 2026)
