Sangli Accident News : सांगलीतील तासगाव मणेराजुरी रस्त्यावर भीषण अपघाताची घटना घडली आहे. रस्त्याच्या कडेला थांबलेल्या पिकअपला दुचाकीने मागून जोराची धडक दिली. ही धडक इतकी भीषण होती की या अपघातात चिमुरडीसह वडिलांचा जागीच मृत्यू झालाय. सागर बाबुराव जाधव (वय 37) आणि हर्षिता सागर जाधव (वय 5)अशी मृतांची नावे आहेत. तर आई सोनाली या गंभीर जखमी असून त्यांच्यावर उपचार सुरू आहेत.
Sangli ATM Theft : एटीएम फोडून पैसे चोरण्याच्या घटना आपण अनेकदा ऐकतो, मात्र सांगलीत चोरट्यांनी चक्क संपूर्ण एटीएम मशीनच पळवून नेल्याचा धक्कादायक प्रकार समोर ...
नेमकं काय घडलं ?
गंभीर जखमी असलेल्या सोनाली जाधव या मणेराजुरी येथील एका शाळेत शिक्षिका आहेत. पत्नीला आणण्यासाठी सागर जाधव हे मुलगी हर्षिताला घेऊन दुचाकीवरून निघाले होते. शाळेतून परत येत असताना वासुंबे हद्दीतील ब्रह्मनाथ मंदिराजवळ थांबलेल्या पिकअपला दुचाकीने मागून धडक दिली. दुचाकीने दिलेली ही धडक इतकी भीषण होती की सागर आणि हर्षिता यांचा घटनास्थळीच मृत्यू झाला. तर आई सोनाली यांच्या डोक्याला मार लागला. अपघात घडताच नागरिकांनी घटनास्थळी गर्दी केली तसेच काही नागरिकांनी तात्काळ त्यांना ग्रामीण रुग्णालयात हलवण्यात आले. तर सोनाली यांना तातडीने मिरज येथील खासगी रुग्णालयात दाखल केले. त्यांची प्रकृती चिंताजनक आहे.बुधवारी दुपारी चारच्या सुमारास हा भीषण अपघात झाला. (Sangli Accident News)
दरम्यान, मृत सागर जाधव हे शेतकरी कामगार पक्षाचे नेते तसेच अंधश्रद्धा निर्मूलन समितीचे कार्यकर्ते बाबुराव जाधव यांचा मुलगा होते. त्यांच्या पत्नी सोनाली शहरातील मणेराजुरी रस्ता येथे असणाऱ्या एका शाळेत शिक्षिका आहेत. अपघाताचे नेमके कारण अद्याप पुढे आले नाही. मात्र, या दुर्दैवी घटनेनं सर्वत्र हळहळ व्यक्त होत आहे.बुधवारी दुपारी चारच्या सुमारास घडलेल्या या दुर्घटनेने जाधव कुटुंबियांवर दुःखांचा डोंगर कोसळला आहे.