मुंबई : रणबीर कपूर, (Ranbir Kapoor) साई पल्लवी (Sai Pallavi) आणि 'रॉकिंग स्टार' यश (Yash) यांची मुख्य भूमिका असलेला बहुप्रतिक्षीत 'रामायण' (Ramayan Movie) चित्रपट ५ नोव्हेंबर २०२६ रोजी चित्रपटगृहात प्रदर्शित होणार आहे. विजयादशमीच्या (दसरा) शुभमुहूर्तावर, म्हणजेच २० ऑक्टोबर २०२६ रोजी (रिलीजच्या १६ दिवस आधी) या चित्रपटाचे ॲडव्हान्स बुकिंग सुरू करण्यात आले होते. या भव्य चित्रपटाकडून बॉक्स ऑफिसवर कमाईचे नवे विक्रम प्रस्थापित होण्याची मोठी अपेक्षा व्यक्त केली जात आहे.
संविधानावरील संकट दूर होईपर्यंत माघार नाही मुंबई : “देशातील सरकार बदलणे हा लोकशाहीने दिलेला अधिकार असला, तरी राजकीय व्यवस्था आणि संविधान बदलण्याच्या ...
चार दिवसांत किती झाली तिकीट विक्री ?
'सॅकनिल्क' (Sacnilk) च्या ताज्या अहवालानुसार, गेल्या चार दिवसांत 'ब्लॉक केलेल्या सीट्स'सह (Blocked Seats) या चित्रपटाची १३ लाखांहून अधिक तिकिटे विकली गेली आहेत. तर ब्लॉक न केलेल्या सीट्सचा विचार केल्यास १० लाखांपेक्षा जास्त तिकिटांची विक्री झाली आहे. कमाईच्या बाबतीत सांगायचे तर, नितेश तिवारी यांच्या दिग्दर्शनाखाली बनलेल्या या चित्रपटाने ब्लॉक सीट्ससह एकूण ५६.८८ कोटी रुपयांचे ग्रॉस कलेक्शन केले आहे. तर ब्लॉक सीट्स वगळून चित्रपटाची कमाई ४६.११ कोटी रुपयांवर पोहोचली आहे.
पहिल्या दिवसाच्या ॲडव्हान्स बुकिंगची स्थिती
चित्रपटाच्या पहिल्या दिवसाच्या (Day 1) बुकिंगबद्दल बोलायचे झाल्यास, ब्लॉक केलेल्या सीट्ससह आतापर्यंत ६.५५ लाखांहून अधिक तिकिटे विकली गेली असून त्यातून २७.५८ कोटी रुपये मिळाले आहेत. मात्र, ब्लॉक न केलेल्या सीट्सच्या आधारे पाहिल्यास पहिल्या दिवसासाठी ५.५० लाखांहून अधिक तिकिटे विकली गेली असून त्यातून २३.३८ कोटी रुपयांची कमाई झाली आहे. चार दिवसांचे एकंदरीत बुकिंग चांगले असले, तरी पहिल्या दिवसाच्या कमाईचा आकडा आणखी मोठा असेल असा अंदाज वर्तवला जात होता. तरीही, चित्रपट प्रदर्शित होण्यासाठी अजून दोन दिवस बाकी असल्याने या आकड्यात मोठी वाढ होण्याची शक्यता आहे.
सना: येमेनमध्ये पुन्हा एकदा संघर्षाचा वणवा भडकला असून लाल समुद्राचा किनारा रक्ताने लाल झाला आहे. हुती बंडखोरांनी दिलेल्या माहितीनुसार, सौदी ...
'रामायण'चे बजेट किती ?
हा भव्य चित्रपट दोन भागांमध्ये प्रदर्शित होणार असून, या संपूर्ण प्रोजेक्टचे एकूण बजेट ४,००० कोटी रुपये इतके प्रचंड आहे. या हिशोबाने पहिल्या भागाचे (Part 1) बजेट सुमारे २,००० कोटी रुपये मानले जात आहे. बजेटचा हा प्रचंड आकडा पाहता, चित्रपटाला बॉक्स ऑफिसवर अत्यंत जोरदार आणि ऐतिहासिक सुरुवात करणे अतिशय गरजेचे आहे.
पहिले रिव्ह्यू आणि प्रेक्षकांचा प्रतिसाद
गेल्या आठवड्यात लॉस एंजेलिस (अमेरिका) येथे 'रामायण' चित्रपटाचा एक विशेष शो (प्रीमियर) आयोजित करण्यात आला होता. तेथून आलेल्या सुरुवातीच्या प्रतिक्रिया (Early Reviews) सकारात्मक आणि संमिश्र स्वरूपाच्या आहेत. चित्रपट पाहून आलेल्या प्रेक्षकांनी या चित्रपटाचा भव्यदिव्य सेट, व्हिज्युअल्स आणि विशेषतः रणबीर कपूर व यश यांच्या अभिनयाचे मनापासून कौतुक केले आहे.