Hossein Pedran : इस्रायलच्या गुप्तचर संस्थेला संवेदनशील लष्करी माहिती पुरवल्याच्या आरोपाखाली इराणने होसैन पदरान याला फाशी दिल्याची माहिती इराणच्या न्यायपालिकेने दिली आहे. इस्फहान प्रांतातील संवेदनशील लष्करी तळांशी संबंधित गोपनीय माहिती मोसाद आणि अमेरिकन गुप्तचर संस्थांना पुरवल्याचा आरोप पदरानवर होता. या माहितीच्या बदल्यात आर्थिक फायदा घेतल्याचा दावाही इराणी अधिकाऱ्यांनी केला आहे. मात्र, हे आरोप आणि त्यासंबंधीची माहिती इराणच्या न्यायपालिकेकडून देण्यात आली आहे. (Hossein Pedran)
लष्करी तळांची माहिती दिल्याचा आरोप
इराणच्या न्यायपालिकेच्या माहितीनुसार, पदरानने इस्फहानमधील संवेदनशील लष्करी ठिकाणांशी संबंधित माहिती विदेशी गुप्तचर संस्थांपर्यंत पोहोचवली. त्याने विशेषतः इस्रायली गुप्तचर संस्था मोसादला माहिती दिल्याचा आरोप आहे. चौकशीदरम्यान त्याने या माध्यमातून आर्थिक फायदा मिळवल्याची कबुली दिल्याचा दावाही न्यायपालिकेने केला आहे. (Hossein Pedran)
वॉशिंग्टन : अमेरिकेचे राष्ट्राध्यक्ष डोनाल्ड ट्रम्प यांनी CNN, MS NOW आणि Politico या तीन प्रमुख वृत्तसंस्थांना व्हाइट हाऊसमध्ये प्रवेशबंदी करण्याची घोषणा केली ...
न्यायालयीन प्रक्रिया पूर्ण झाल्यानंतर फाशी
पदरानला अटक केल्यानंतर त्याच्याविरोधात न्यायालयीन प्रक्रिया सुरू करण्यात आली. कनिष्ठ न्यायालयाने त्याला दोषी ठरवत मृत्युदंड सुनावला. या निर्णयाला सर्वोच्च न्यायालयात आव्हान देण्यात आले होते. मात्र, सर्वोच्च न्यायालयाने कनिष्ठ न्यायालयाचा निर्णय कायम ठेवल्यानंतर पदरानला फाशी देण्यात आली. (Hossein Pedran)
१२ दिवसांच्या युद्धानंतर तपासात नाव
इराणच्या न्यायपालिकेने दिलेल्या माहितीनुसार, १२ दिवसांच्या युद्धादरम्यान देशातील काही संवेदनशील लष्करी ठिकाणांवर हल्ले झाले. या हल्ल्यांच्या पार्श्वभूमीवर इराणमध्ये विदेशी गुप्तचर संस्थांना माहिती पुरवल्याच्या संशयातून तपास सुरू करण्यात आला. या तपासादरम्यान पदरानचे नाव समोर आल्याचे इराणी अधिकाऱ्यांनी म्हटले आहे. (Hossein Pedran)
मॉस्को : रशिया आणि युक्रेन यांच्यातील युद्धादरम्यान अणुऊर्जा प्रकल्पाच्या सुरक्षिततेचा प्रश्न पुन्हा एकदा ऐरणीवर आला आहे. रशियातील कुर्स्क ...
इराण-इस्रायल तणावाच्या पार्श्वभूमीवर कारवाई
इराण आणि इस्रायल यांच्यातील वाढत्या तणावाच्या पार्श्वभूमीवर पदरानला देण्यात आलेली फाशी समोर आली आहे. इराणने यापूर्वीही इस्रायलसाठी हेरगिरी केल्याच्या आरोपांमध्ये काही व्यक्तींवर कठोर कारवाई केली आहे. या प्रकरणातही इराणी न्यायपालिकेने पदरानला राष्ट्रीय सुरक्षेशी संबंधित आरोपांमध्ये दोषी ठरवल्याचे म्हटले आहे. (Hossein Pedran)
