सोलापूर : सासरच्या मंडळींकडून होत असलेल्या कथित मानसिक आणि शारीरिक छळाला कंटाळून २६ वर्षीय विवाहितेने आत्महत्या केल्याची धक्कादायक घटना सोलापुरात समोर आली आहे. सादिया अहमद काजी (वय २६) असे मृत विवाहितेचे नाव आहे. पतीच्या व्यवसायात झालेल्या नुकसानीची भरपाई करण्यासाठी माहेरून ५ लाख रुपये आणावेत, अशी मागणी केल्याचा आरोप तिच्या कुटुंबीयांनी केला आहे. या प्रकरणी पती, सासू आणि सासऱ्यांविरोधात गुन्हा दाखल करण्यात आला आहे. (Solapur Crime News)
मुंबई : घरगुती LPG सिलिंडर वापरणाऱ्या ग्राहकांसाठी महत्त्वाची बातमी आहे. १ ऑक्टोबर २०२६पासून अनुदानित दरात घरगुती LPG सिलिंडर बुक करण्यासाठी ...
लग्नाला सहा महिनेही पूर्ण झाले नव्हते
सादिया हिचा विवाह २७ मार्च २०२६ रोजी सोलापूरमधील मुळेगाव रोड परिसरातील रहिवासी अहमद काजी याच्याशी झाला होता. लग्नानंतर ती सासरी नांदायला गेली. मात्र, काही काळानंतर घरातील कामे आणि स्वयंपाकावरून तिला कथितरीत्या टोमणे मारण्यास सुरुवात झाली. (Solapur Crime News)
मृत सादियाचे वडील फारुख कासिम जमादार यांनी पोलिसांत दिलेल्या तक्रारीनुसार, पती अहमद, सासू साबिया काजी आणि सासरे शकील काजी हे तिला अपमानास्पद शब्द वापरून मानसिक त्रास देत होते. तिला घरकाम येत नसल्याचे सांगत वारंवार हिणवले जात असल्याचा आरोप तक्रारीत करण्यात आला आहे.
५ लाख रुपयांसाठी कथित छळ
पतीच्या व्यवसायात नुकसान झाल्याचे सांगून सादियाने माहेरून ५ लाख रुपये आणावेत, असा तगादा लावण्यात आल्याचा कुटुंबीयांचा आरोप आहे. ही मागणी पूर्ण न झाल्याने तिला शिवीगाळ आणि मारहाण करून शारीरिक छळ करण्यात आल्याचेही तक्रारीत नमूद करण्यात आले आहे. (Solapur Crime News)
ठाणे: कळवा पोलिसांनी गुटख्याचा अवैध पद्धतीने व्यापार करणाऱ्यांवर मोठी कारवाई केलेली आहे. पोलिसांनी सापळा रचून गुटखा विक्रीच्या तस्करीचा डाव उधळला ...
उपचारापूर्वीच डॉक्टरांनी मृत घोषित केले
सततच्या छळाला कंटाळून सादियाने १७ सप्टेंबर २०२६ रोजी रात्री राहत्या घरी साडीच्या साहाय्याने गळफास घेतल्याचे समोर आले. हा प्रकार लक्षात आल्यानंतर तिला तातडीने रुग्णालयात नेण्यात आले. मात्र, डॉक्टरांनी तपासून तिला मृत घोषित केले. (Solapur Crime News)
पतीसह सासू-सासऱ्यांविरोधात गुन्हा
सादियाच्या वडिलांच्या तक्रारीवरून एमआयडीसी पोलीस ठाण्यात पती अहमद काजी, सासू साबिया काजी आणि सासरे शकील काजी यांच्याविरोधात आत्महत्येस प्रवृत्त करणे, हुंड्यासाठी छळ करणे यांसह संबंधित कलमांखाली गुन्हा दाखल करण्यात आला आहे. (Solapur Crime News)
या प्रकरणातील आरोपांची सत्यता तपासण्याचे काम पोलिसांकडून सुरू असून, पुढील तपासात नेमका घटनाक्रम आणि जबाबदारी स्पष्ट होणार आहे.
