नागोया (जपान) : आशियाई क्रीडा स्पर्धेतील नेमबाजीच्या मोहिमेची भारताने दमदार सुरुवात केली असून, स्पर्धेच्या पहिल्याच दिवशी 'आयची प्रीफेक्चरल जनरल शूटिंग गॅलरी' येथे दोन रौप्य पदके जिंकली आहेत. ऑलिम्पिकपटू एलावेनिल वलारिवनने महिलांच्या १० मीटर एअर रायफल वैयक्तिक अंतिम फेरीत रौप्य पदक पटकावले. तसेच, एलावेनिल, सोनम उत्तम मस्कर आणि विदर्सा कोचालुमकाल विनोद या तिघींच्या संघाने सांघिक रौप्य पदक जिंकले. (Asian Games 2026)
वैयक्तिक अंतिम फेरीत उत्कृष्ट कामगिरी करत एलावेनिलने सातत्याने 'हाय-टेन्स' नोंदवले आणि एकूण २५२.४ गुण मिळवले. तिने ही स्पर्धा शेवटच्या शॉटपर्यंत चुरशीची केली. मात्र जपानच्या हिनाता ताइचीपेक्षा ती केवळ ०.६ गुणांनी मागे राहिली. हिनाताने २५३.० गुणांसह आशियाई क्रीडा स्पर्धेचा नवीन विक्रम प्रस्थापित करत सुवर्ण पदक जिंकले. दक्षिण कोरियाची ऑलिम्पिक विजेती बान ह्यो-जिन हिने २३०.४ गुणांसह कांस्य पदक मिळवले. भारताची सोनम उत्तम मस्कर देखील आठ जणींच्या अंतिम फेरीत सहभागी झाली होती. तिने १६७.० गुणांसह सहावे स्थान मिळवले. (Asian Games 2026)
नागोया (जपान): आशियाई खेळ २०२६ मधील महिला क्रिकेट स्पर्धेत भारतीय संघाने धमाकेदार कामगिरी सुरू ठेवित अंतिम फेरीत धडक मारली आहे. उपांत्य सामन्यात ...
तत्पूर्वी, सांघिक प्रकाराद्वारे भारताने या स्पर्धेतील पदकांचे खाते उघडले. सांघिक पदकांचा निर्णय पात्रता फेरीतील एकत्रित गुणांच्या आधारे घेतला जातो. भारताने एकूण १८९८.० गुण नोंदवून पोडियमवर दुसरे स्थान पटकावले.
पात्रता फेरीत भारताकडून सोनमने उत्कृष्ट कामगिरी करत ६३४.१ गुणांसह तिसरे स्थान मिळवले, तर एलावेनिलने ६३३.५ गुणांसह सातवे स्थान मिळवून अंतिम फेरी गाठली. विदर्साने ६३०.४ गुणांची भरीव कामगिरी करत वैयक्तिक क्रमवारीत १२ वे स्थान मिळवले आणि भारतासाठी सांघिक रौप्य पदक निश्चित करण्यात मोलाचा वाटा उचलला. (Asian Games 2026)
चीनने एकूण १९०४.२ गुणांसह सांघिक सुवर्ण पदक जिंकले. या संघात पात्रता फेरीत अव्वल ठरलेली वांग झिफी (६३६.८), हान जियायू (६३३.८) आणि डू युचेन (६३३.६) यांचा समावेश होता. यजमान जपानने एकूण १८९७.१ गुणांसह सांघिक कांस्य पदक जिंकले.
नागोया (जपान) : आशियाई खेळ २०२६ (Asian Games 2026) मधील आपल्या सलामीच्या सामन्यात भारतीय महिला हॉकी संघाने उझबेकिस्तानचा १९-० असा विक्रमी धुव्वा उडवत स्पर्धेची ...
सोमवारी नेमबाजीच्या स्पर्धा सुरूच राहतील. पुरुषांच्या १० मीटर एअर रायफल वैयक्तिक आणि सांघिक प्रकारांत भारताला पदके जिंकण्याची संधी असेल. तसेच, नेमबाजीच्या ठिकाणी पुरुष आणि महिलांच्या 'स्कीट' प्रकारांमधील पात्रता फेरीच्या पहिल्या दिवसाचीही सुरुवात होणार आहे. (Asian Games 2026)
