मुंबई : कतरिना कैफ नुकतीच पती विक्की कौशलसोबत गणपती उत्सवात सहभागी झाली होती. त्यावेळी तिच्या वाढलेल्या वजनावरून आणि बदललेल्या लूकवरून सोशल मीडियावर तिला मोठ्या प्रमाणात ट्रोल करण्यात आले. या प्रकारानंतर अनेक कलाकार तिच्या समर्थनासाठी पुढे आले आहेत. आता या प्रकरणात सलमान खानने देखील ट्रोलर्सना सडेतोड उत्तर दिले आहे. (Katrina Kaif Trolling )
बिग बॉस 20 च्या वीकेंड का वार एपिसोडमध्ये सलमान खान ट्रोलर्सवर चांगलाच भडकला. वयावरून आणि शारीरिक बदलांवरून ट्रोल करणाऱ्यांचा त्याने तीव्र शब्दांत समाचार घेतला. यावेळी सलमान खान इतका रागावला की त्याने कॅमेऱ्यासमोरच स्वतःचे शर्ट काढून दाखवले. तसेच चेहऱ्यावरील मेकअप काढून त्याने ट्रोलर्सना थेट आव्हान दिले. ( Body Shaming)
Deendayal Antyodaya Yojana : महिला बचत गटांना आता २५ हजार रुपयांचे खेळते भांडवल
दीनदयाळ अंत्योदय योजना राष्ट्रीय नागरी उपजिविका अभियानांतर्गत स्थापित गटांना मिळणार लाभ मुंबई (विशेष प्रतिनिधी) : राज्य व केंद्र शासन पुरस्कृत ...
लोकांनी आधी स्वत:कडे पाहावं
सलमान म्हणाला की, प्रत्येक शोमध्ये लोकांच्या वयावर भाष्य केले जाते. मी 60 वर्षांचा झालो आहे, मग नक्की कोणत्या गोष्टीवरून कोणाला ट्रोल करायचे असते? लोकांचे वजन, लूक, हसणे, अपयश किंवा एखाद्या स्त्रीचे आई होणे यावरून टीका केली जाते, जे अत्यंत चुकीचे आहे. ट्रोल करण्यापूर्वी लोकांनी स्वतःचा चेहरा आणि शरीर पाहिले पाहिजे. प्रेक्षकांनी चित्रपटाचे तिकीट खरेदी केले आहे, कलाकारांना विकत घेतलेले नाही. ज्या दिवशी कलाकार उत्तर देतील, त्या दिवशी ट्रोलर्सना लपायला जागा मिळणार नाही. ( Salman Khan News)
कतरिनाचे थेट नाव न घेता सलमान पुढे म्हणाला की, बाळंतपणानंतर कोणत्याही स्त्रीचे वजन वाढणे ही अत्यंत नैसर्गिक गोष्ट आहे. जेव्हा ती पुन्हा चित्रपटांमध्ये काम करेल, तेव्हा ती स्वतःला नक्कीच फिट करेल.
सलमान खानने घेतलेल्या या आक्रमक भूमिकेमुळे सोशल मीडियावर त्याची जोरदार चर्चा सुरू आहे. कतरिनाच्या समर्थनार्थ उभे राहून ट्रोलर्सची बोलती बंद केल्याबद्दल अनेकांनी सलमानच्या या कृतीचे कौतुक केले आहे. ( Entertainment News)