RIMS Hospital : धक्कादायक! रुग्णालयाच्या नवजात बालकांच्या वॉर्डला लागली आग; 3 चिमुकल्यांचा मृत्यू, 20 हून अधिक बालकांना हलवलं

तेलंगणा : तेलंगणातील आदिलाबाद येथील राजीव गांधी इन्स्टिट्यूट ऑफ मेडिकल सायन्सेस (RIMS) रुग्णालयात सोमवारी रात्री मोठी दुर्घटना घडली. रुग्णालयातील नवजात बालकांच्या विशेष उपचार कक्षाला (SNCU) अचानक आग लागल्याने 3 बालकांचा मृत्यू झाला आहे. मृतांमध्ये अवघ्या 5 दिवसांच्या नवजात बाळाचाही समावेश आहे. या घटनेनंतर रुग्णालयात मोठी खळबळ उडाली. (Telangana News)


मिळालेल्या माहितीनुसार, सोमवारी रात्री सुमारे 11:40 वाजता SNCU वॉर्डमधील एसीमध्ये तांत्रिक बिघाड झाला. त्यानंतर वॉर्डमध्ये अचानक धूर पसरला आणि काही वेळातच आगीने गंभीर स्वरूप धारण केले. त्यावेळी वॉर्डमध्ये 24 नवजात बालकांवर उपचार सुरू होते. (RIMS Hospital)






धूर पसरल्याचे लक्षात येताच, रुग्णालयातील कर्मचाऱ्यांनी तातडीने बालकांना सुरक्षित ठिकाणी हलवण्यास सुरुवात केली. घटनेची माहिती मिळताच अग्निशमन दल, पोलीस आणि वैद्यकीय पथक रुग्णालयात दाखल झाले. अग्निशमन दलाच्या जवानांनी आगीवर नियंत्रण मिळवले आणि ती इतर भागात पसरण्यापासून रोखली. (Fire News)



बाळाचा गुदमरून मृत्यू


मात्र, या दुर्घटनेत 26 आठवड्यांच्या एका प्री-मॅच्युअर बाळासह 5 दिवसांच्या नवजात बाळाचा धुरामुळे गुदमरून मृत्यू झाला. आगीमुळे आणि धुरामुळे त्रास झालेल्या 20 हून अधिक बालकांना तातडीने इतर रुग्णालयांमध्ये हलवण्यात आले. त्यापैकी एका बाळाचा निझामाबाद येथे उपचारादरम्यान मृत्यू झाला. त्यामुळे मृत बालकांची संख्या 3 झाली आहे.


इतर बालकांवर विविध रुग्णालयांमध्ये उपचार सुरू असून डॉक्टर त्यांच्यावर लक्ष ठेवून आहेत. या घटनेची माहिती मिळाल्यानंतर आदिलाबादचे जिल्हाधिकारी राजर्षी शाह आणि पोलीस अधीक्षक अखिल महाजन यांनी रुग्णालयात जाऊन परिस्थितीची पाहणी केली.


दरम्यान, आगीचे नेमके कारण काय होते, याचा तपास सुरू करण्यात आला आहे. एसीमधील तांत्रिक बिघाडामुळे आग लागली का, तसेच या घटनेत कोणतीही प्रशासकीय किंवा तांत्रिक निष्काळजीपणा झाला का, याची चौकशी करण्याचे निर्देश देण्यात आले आहेत. ( New Born Baby Death News)

Comments
Add Comment

Hyderabad News : हैदराबादमध्ये 2 बॉम्बस्फोटांची धमकी; 300 जणांना ठार मारण्याचा इशारा, पोलीस सतर्क

Hyderabad News: लष्कर-ए-तोयबा (LeT) या दहशतवादी संघटनेच्या नावाने कथितरित्या देण्यात आलेल्या धमकीनंतर हैदराबाद पोलिसांना

Delhi News : 55 लाखांचे सोन्याचे दागिने असलेली बॅग हरवली; दिल्ली पोलिसांनी सहा दिवसांत शोधून मालकाला केली परत

दिल्ली : दिल्लीतील काश्मिरी गेट आंतरराज्य बस स्थानकावर (ISBT) हरवलेली सुमारे 55 लाख रुपये किमतीच्या सोन्याच्या

Cousin Marriage: मामाच्या मुलीशी विवाह करण्याची प्रथा बंद होणार? सुप्रीम कोर्टात याचिकेमुळे चर्चा सुरू

Cousin Marriage: रक्ताच्या नात्यातील जवळच्या नातेसंबंधांमधील विवाहामुळे जन्माला येणारी नवी पिढी यांबाबत आरोग्यविषयक

Rajasthan Viral News : 'बडा अजब आदमी है!' बायकोशी भांडण झालं अन् 500 रुपयांच्या नोटांचा ढीग पेटवला; व्हिडिओ व्हायरल

Viral News: राजस्थानमधील एका कथित घटनेचा व्हिडिओ सोशल मीडियावर व्हायरल झाला असून, त्यावरून जोरदार चर्चा सुरू झाली आहे.

Viral News: बापरे! मेहुण्याकडून दोन नवरदेवांना घातला दोन कोटी रुपयांचा हार, व्हिडिओ व्हायरल

Viral News: लग्नसमारंभात नवरदेवांना फुलांचे किंवा नोटांचे हार घातल्याचे अनेकवेळा तुम्ही पाहिले असेल. मात्र, उत्तर

Agniveer : अग्निवीरांसाठी दिलासादायक निर्णय; दोन वर्षांच्या सेवा मुदतवाढीदरम्यान विवाहाला परवानगी

Defence News: अग्निपथ योजनेअंतर्गत सैन्यात भरती झालेल्या अग्निवीरांना दोन वर्षांच्या सेवा मुदतवाढीदरम्यान विवाह