Dyson V16 Piston Animal : घराची सफाई आता हायटेक! 'डायसन V16 पिस्टन ॲनिमल' भारतात लॉन्च; जाणून घ्या किंमत-फीचर्स

मुंबई : डायसनने भारतात V16 Piston Animal cordless vacuum cleaner लॉन्च केला आहे. या नव्या व्हॅक्यूममध्ये कंपनीने All Floor Cones Sense cleaner head, 900W Hyperdymium मोटर, HEPA फिल्ट्रेशन आणि नव्या CleanCompactor dust binसह अनेक फीचर्स दिले आहेत. (Dyson V16 Piston Animal)

किंमत आणि उपलब्धता

भारतामध्ये डायसन V16 पिस्टन ॲनिमलची किंमत ₹79,900 आहे. हा व्हॅक्यूम डायसनच्या अधिकृत वेबसाइट आणि देशभरातील डायसन स्टोअर्समध्ये उपलब्ध आहे. (Dyson V16 Piston Animal)

70 मिनिटांपर्यंत रनटाइम

या व्हॅक्यूममध्ये 900W Hyperdymium digital motor देण्यात आली असून, ती 315AW पर्यंत सक्शन निर्माण करते, असा कंपनीचा दावा आहे. सात-सेल लिथियम बॅटरीमुळे हा व्हॅक्यूम 70 मिनिटांपर्यंत वापरता येतो. बॅटरी पॅक बदलण्याची सुविधाही देण्यात आली आहे.

धूळ आणि कचरा गोळा करण्यासाठी CleanCompactor bin देण्यात आला आहे. कंपनीच्या म्हणण्यानुसार, हा बिन कचरा दाबून पारंपरिक पद्धतीपेक्षा तीनपट अधिक धूळ साठवू शकतो. (Dyson V16 Piston Animal)

HEPA फिल्ट्रेशन आणि स्मार्ट फीचर्स

व्हॅक्यूममध्ये पाच-टप्प्यांची संपूर्ण मशीन HEPA फिल्ट्रेशन प्रणाली आहे. डायसनच्या दाव्यानुसार, ही प्रणाली 0.1 मायक्रॉन इतके लहान 99.99% कण पकडू शकते. अंगभूत सेन्सर दर सेकंदाला 15,000 वेळा धुळीच्या कणांचे मोजमाप करतो.

यामध्ये LED लाइटिंग, LCD डिस्प्ले आणि MyDyson ॲपचाही समावेश आहे. ॲपच्या माध्यमातून फिल्टर स्वच्छ करण्याच्या सूचना आणि मशीनच्या देखभालीसाठी मार्गदर्शन मिळते. (Dyson V16 Piston Animal)

केस आणि फरशी स्वच्छ करण्यासाठी खास डिझाइन

नवीन All Floor Cones Sense cleaner head मध्ये दोन शंकूच्या आकाराचे ब्रश बार आहेत. हे ब्रश केसांना मध्यभागातून बाहेरील बाजूकडे ढकलतात आणि थेट डस्ट बिनमध्ये जमा करतात. कंपनीच्या माहितीनुसार, हे हेड 25 इंचांपर्यंतचे केस ब्रशमधून काढू शकते.

तसेच, हे क्लीनर हेड फरशीचा प्रकार ओळखून सक्शन पॉवर आणि ब्रशचा वेग आपोआप बदलते. त्यामुळे कार्पेट आणि हार्ड फ्लोअर दोन्ही स्वच्छ करण्यासाठी एकाच हेडचा वापर करता येतो. (Dyson V16 Piston Animal)