मुंबई : गणेशोत्सवाच्या काळात भाविकांना त्यांच्या परिसरातच मोफत आरोग्य तपासणीची सुविधा मिळावी, यासाठी राबविण्यात आलेल्या ‘श्रीगणेशा आरोग्याचा’ उपक्रमाला राज्यभरातून उत्स्फूर्त प्रतिसाद मिळाला. दहा दिवसांत राज्यातील ३६ जिल्ह्यांमध्ये ५३ हजार ८६२ आरोग्य शिबिरांचे आयोजन करण्यात आले. या शिबिरांमध्ये तब्बल २९ लाख ७७ हजार ६७० नागरिकांची आरोग्य तपासणी करण्यात आली. (Maharashtra Government)
मुख्यमंत्री सहाय्यता निधी आणि धर्मादाय रुग्णालय मदत कक्षाच्या पुढाकाराने हा उपक्रम राबविण्यात आला. सार्वजनिक आरोग्य विभाग, स्थानिक स्वराज्य संस्थांच्या आरोग्य यंत्रणा, शासकीय व निमशासकीय संस्था, सार्वजनिक गणेश मंडळे आणि सामाजिक संस्थांनी या उपक्रमात सहभाग घेतला.
मुंबई : राज्यातील दुष्काळग्रस्त २६५ तालुक्यांमध्ये कोरडा दुष्काळ जाहीर झाल्यानंतर शेतकरी आणि ग्रामीण भागासाठी विविध सवलती व उपाययोजना लागू करण्यात ...
गणेश मंडपांसह महानगरपालिका, नगरपालिका, नगरपंचायत आणि ग्रामीण भागातही आरोग्य शिबिरे घेण्यात आली. या शिबिरांमध्ये हृदयरोग, किडनीविकार, कर्करोग, मधुमेह, संसर्गजन्य आजार, मेंदूविकार आणि बालरोग यांसह विविध आजारांची प्राथमिक तपासणी करण्यात आली. आरोग्यविषयक समस्या आढळलेल्या नागरिकांना पुढील तपासणी आणि उपचारांसाठी तज्ज्ञ डॉक्टर व संबंधित रुग्णालयांकडे पाठविण्यात आले. (Maharashtra Government)
विभागनिहाय पाहता, पश्चिम महाराष्ट्रात सर्वाधिक ७ लाख ६६ हजार ७६२ नागरिकांची, तर विदर्भात ५ लाख ९४ हजार ६३६ आणि मराठवाड्यात ४ लाख ५६ हजार ८६३ नागरिकांची तपासणी झाली. पुढील उपचारांसाठी ५ हजार ९९३ रुग्णांना संदर्भित करण्यात आले.
सिंधुदुर्ग: राज्यात निर्माण झालेल्या संभाव्य दुष्काळसदृश परिस्थिती आणि पावसाने दिलेल्या खंडामुळे शेतकरी संकटात सापडले आहेत. याच पार्श्वभूमीवर, ...
पात्र रुग्णांना महात्मा फुले जन आरोग्य योजना तसेच इतर शासकीय आरोग्य योजनांबाबतही मार्गदर्शन करण्यात आले. विविध यंत्रणा, गणेश मंडळे, सामाजिक संस्था आणि आरोग्य कर्मचाऱ्यांच्या समन्वयातून हा उपक्रम व्यापक स्तरावर राबविण्यात आला. (Maharashtra Government)
