नांदेड: "मी मराठवाड्याची लेक आहे, या मातीतल्या शेतकऱ्यांच्या अडचणी मला चांगल्याच ठाऊक आहेत," अशा शब्दांत उपमुख्यमंत्री तथा राष्ट्रवादी काँग्रेसच्या राष्ट्रीय अध्यक्षा सुनेत्रा पवार यांनी नांदेड दौऱ्यात शेतकऱ्यांना मोठा दिलासा दिला आहे. पावसाच्या अनिश्चिततेमुळे आणि दुष्काळसदृश परिस्थितीमुळे अडचणीत सापडलेल्या बळीराजाला कोणत्याही परिस्थितीत वाऱ्यावर सोडले जाणार नाही, अशी ठाम ग्वाही त्यांनी दिली आहे. शेतशिवारात प्रत्यक्ष पाहणी आणि बळीराज्याशी संवाद नांदेड जिल्ह्यातील लोहा तालुक्यातील बारूळ फाटा, सोनखेड येथे उपमुख्यमंत्री सुनेत्रा पवार यांनी थेट शेतशिवारात जात शेतकरी संदीप रामराव जायभाय यांच्या शेताला भेट दिली. यादरम्यान त्यांनी 9 जुलै रोजी लागवड केलेल्या सोयाबीन पिकाची सद्यस्थिती, वाढ, संभाव्य नुकसान आणि पावसाअभावी पिकावर झालेले विपरीत परिणाम यांची प्रत्यक्ष पाहणी केली.(Sunetra Pawar Marathwada)
Plane Crash : डेमोक्रॅटिक रिपब्लिक ऑफ काँगोमध्ये विमानाचा भीषण अपघात घडल्याची घटना घडली आहे. या दुर्घटनेत दोन वरिष्ठ लष्करी अधिकाऱ्यांसह 14 जणांचा मृत्यू ...
या पाहणीदरम्यान त्यांनी केवळ पिकांचाच आढावा घेतला नाही, तर बांधावर जाऊन शेतकऱ्यांशी मनमोकळा संवाद साधला. शेतकरी कुटुंबांच्या दैनंदिन गरजा, जनावरांच्या चाऱ्याचा गंभीर प्रश्न आणि कुटुंबाच्या उदरनिर्वाहाच्या अडचणी त्यांनी अत्यंत आत्मीयतेने समजून घेतल्या.
शासनाकडून मदतीची आणि उपाययोजनांची ग्वाही यावेळी बोलताना सुनेत्रा पवार यांनी स्पष्ट केले की, केवळ शेतीचे नुकसान भरून काढणे नव्हे, तर शेतकऱ्यांच्या लेकरा-बाळांचे शिक्षण, जनावरांचा चारा आणि कुटुंबाचा उदरनिर्वाह हे प्रश्नही शासनासाठी अत्यंत महत्त्वाचे आहेत. प्रशासनाने तात्काळ परिस्थितीचा सविस्तर आढावा घेऊन आवश्यक कार्यवाही करावी, अशा स्पष्ट सूचना संबंधित अधिकाऱ्यांना दिल्या जातील, असेही त्यांनी सांगितले. संकटाच्या या काळात शासन शेतकऱ्यांच्या पाठीशी खंबीरपणे उभे असून, शेतकरी बांधवांना दिलासा देण्यासाठी आवश्यक त्या सर्व मदत व उपाययोजनांसाठी शासनस्तरावर तातडीने पाठपुरावा केला जाईल, असा विश्वास त्यांनी यावेळी व्यक्त केला.(Sunetra Pawar Marathwada)