ऑस्ट्रेलिया आणि दक्षिण अफ्रिका यांच्यात तीन सामन्यांची वनडे मालिका सुरू आहे. या मालिकेतील पहिल्या सामन्यात दक्षिण अफ्रिकेने विजय मिळवला असून 1-0 ने आघाडी घेतली आहे. त्यामुळे दुसऱ्या सामन्यात कमबॅकचं मोठं आव्हान ऑस्ट्रेलियासमोर आहे. या सामन्यात नाणेफेकीचा कौल ऑस्ट्रेलियाच्या बाजूने लागला आणि प्रथम गोलंदाजी स्वीकारली. पण टेम्बा बावुमा आणि डेविड मिलर यांच्या झुंजार खेळीमुळे ऑस्ट्रेलियन संघ पुन्हा एकदा बॅकफूटवर गेला. दक्षिण अफ्रिकेने 50 षटकात 9 गडी गमवून 365 धावांची खेळी केली. तसेच विजयासाठी 366 धावांचं आव्हान दिलं. खरं तर दक्षिण अफ्रिकेची सुरूवात काही खास झाली नव्हती. पहिल्याच चेंडूवर एड मार्करमची विकेट पडली होती. त्यामुळे दक्षिण अफ्रिकेचा संघ बॅकफूटवर जाईल असं वाटलं होतं. पण तसं झालं नाही. दक्षिण अफ्रिकेने जोरदार कमबॅक केलं. दुसरीकडे, पहिल्याच चेंडूवर मिळालेल्या विकेटचं तितकंच कौतुक होत आहे. त्याला कारणंही तसंच आहे. ऑस्ट्रेलियाच्या कूपर कॉनोलीने अप्रतिम झेल पकडला.
दुसऱ्या वनडे सामन्यातून दक्षिण अफ्रिकेचा स्टार फलंदाजी एडन मार्करम कमबॅक करत होता. कारण पहिल्या सामन्यात खेळला नव्हता. त्यामुळे त्याच्या कामगिरीकडे सर्वांचं लक्ष लागून होतं. पण पहिल्याच चेंडूवर बाद होत तंबूत परतावं लागलं. वेगवान गोलंदाज जोश हेझलवूडने टाकलेल्या पहिल्याच चेंडूवर एडन मार्करमने कट शॉट मारला. हा शॉट मारताना त्याचं टायमिंग आणि हाइटही चांगली होती. पण त्याचं नशिब काही चांगलं नव्हतं. बॅकवर्ड प्वॉइंटला असलेल्या कूपर कॉनोलीने मोक्याच्या क्षणी उडी मारली आणि डाव्या हात वर करून अप्रतिम झेल पकडला. चेंडू हातात बसलेला पाहून एडन मार्करमही आवाक् झाला. इतका अप्रतिम फटका मारला होता, पण नशिबाची साथ काही मिळाली नाही.
What a grab by Cooper Connolly 👏
Australia strike on the very first ball!
Watch all the action from Australia’s Tour of South Africa LIVE on FanCode 📲#SAvAUS pic.twitter.com/Z1kp6cefQ9
— FanCode (@FanCode) September 27, 2026
भारत आणि वेस्ट इंडिज यांच्यातील पहिला वनडे सामना तिरुवनंतपुरमच्या ग्रीनफिल्ड आंतरराष्ट्रीय स्टेडियममध्ये सुरू आहे. या सामन्यात नाणेफेकीचा कौल ...
पहिल्या चेंडूवर विकेट मिळाल्यानंतर ऑस्ट्रेलियन संघाने दक्षिण अफ्रिकेवर दबाव टाकला. जोश हेझलवूडला दुसरी विकेट काढण्यासाठी फार काही वेळ लागला नाही. सातव्या षटकात जोश हेझलवूडने क्विंटन डीकॉकला तंबूचा रस्ता दाखवला. जोश हेझलवूडने 10 षटकात 70 धावा देत 3 गडी बाद केले. तर जॅक एडवर्डसने 10 षटकात 67 धावा देत 5 विकेट काढल्या. तर झेव्हियर बार्टलेटच्या वाटेला एक विकेट आली. दक्षिण अफ्रिकेकडून टेम्बा बावुमाने 113 आणि डेविड मिलरने142 धावांची खेळी केली.