बीएसएनएल 27 वा स्थापना दिन साजरा करणार; दूरसंचार क्षेत्रात दोन दशकांहून अधिक काळाची यशस्वी वाटचाल





नवी दिल्ली : भारत संचार निगम लिमिटेड (बीएसएनएल) 1 ऑक्टोबर 2026 रोजी आपला 27 वा स्थापना दिवस साजरा करत आहे. सन 2000 मध्ये स्थापन झालेल्या या संस्थेने आपल्या प्रवासाची 26 वर्षे यशस्वीपणे पूर्ण केली आहेत. गेली अनेक वर्षे देशभरात अखंडित दूरसंवाद सेवा पुरवत असलेल्या बीएसएनएलने पारंपरिक लँडलाइन नेटवर्कपासून सुरवात करून मोबाइल, ब्रॉडबँड आणि अत्याधुनिक डिजिटल दळणवळण तंत्रज्ञानापर्यंतचा प्रवास यशस्वीपणे अनुभवला आणि हाताळला आहे.(BSNL 27th Foundation Day)







देशाच्या डिजिटल विकासात महत्त्वपूर्ण सहभाग


पूर्णपणे भारत सरकारच्या मालकीचा आणि दूरसंचार मंत्रालयाच्या दूरसंचार विभागांतर्गत येणारा हा केंद्रीय सार्वजनिक क्षेत्रातील उपक्रम मोबाईल, भारत फायबर एफटीटीएच ब्रॉडबँड, फिक्स्ड-लाइन आणि विविध एंटरप्राइझ सेवा पुरवतो. ही संस्था देशातील ग्रामीण, दुर्गम आणि धोरणात्मकदृष्ट्या महत्त्वाच्या क्षेत्रांमध्ये दूरसंचार पायाभूत सुविधांचा विस्तार करण्यात नेहमीच आघाडीवर राहिली आहे. तसेच 'भारतनेट' (BharatNet) सारख्या महत्त्वाकांक्षी राष्ट्रीय उपक्रमांच्या अंमलबजावणीमध्येही बीएसएनएलची भूमिका महत्त्वाची ठरली आहे.



विदर्भातील दूरसंचार जाळ्याचा विस्तार


विदर्भ क्षेत्रात, बीएसएनएल नागपूर व्यवसाय क्षेत्राने आपल्या दूरसंचार पायाभूत सुविधांचा विस्तार आणि आधुनिकीकरणावर विशेष भर दिला आहे. याद्वारे व्यापक प्रमाणावर ऑप्टिकल फायबरचे जाळे उभारण्यात आले असून 'भारत फायबर' सेवांचा प्रभावी विस्तार करण्यात आला आहे. हे भक्कम नेटवर्क बुटीबोरी आणि हिंगणा यांसारख्या प्रमुख औद्योगिक क्षेत्रांसह नागपूर आणि लगतच्या परिसरातील नागरिकांना, तसेच विविध सरकारी कार्यालये, शैक्षणिक संस्था, रुग्णालये आणि व्यावसायिक आस्थापनांना दर्जेदार सेवा पुरवत आहे.(BSNL 27th Foundation Day)



भविष्यातील वाटचाल आणि 4G सेवांचा विस्तार


स्थापना दिनानिमित्त बीएसएनएल नागपूर व्यवसाय क्षेत्राच्या प्रधान महाव्यवस्थापक नम्रता तिवारी यांनी संस्थेचे सर्व कर्मचारी आणि भागधारकांना मनःपूर्वक शुभेच्छा दिल्या. यावेळी बोलताना त्यांनी नमूद केले की, सध्या देशभरात सुरू असलेली 4G सेवांची जलद अंमलबजावणी आणि व्यापक नेटवर्क विस्तार हा वापरकर्त्यांच्या बदलत्या संपर्कविषयक आणि डिजिटल गरजा पूर्ण करण्याच्या संस्थेच्या सातत्यपूर्ण प्रयत्नांचा एक महत्त्वाचा भाग आहे. ग्राहकांना अधिक वेगवान आणि विश्वासार्ह सेवा देण्याच बद्धपरिकर राहून बीएसएनएल आगामी काळातही आपले सेवा जाळे अधिक बळकट करणार आहे.










Comments
Add Comment

पंतप्रधान नरेंद्र मोदी आणि अमेरिकेचे राष्ट्राध्यक्ष डोनाल्ड ट्रम्प यांच्यात दूरध्वनीवरून महत्त्वपूर्ण चर्चा

नवी दिल्ली : पंतप्रधान नरेंद्र मोदी यांनी नुकतीच अमेरिकेचे राष्ट्राध्यक्ष डोनाल्ड ट्रम्प यांच्याशी

Rabi MSP 2026 : रब्बी पिकांच्या MSP मध्ये मोठी वाढ; केंद्र सरकारचा शेतकऱ्यांसाठी मोठा निर्णय

नवी दिल्ली : देशातील शेतकऱ्यांना त्यांच्या शेतमालाला अधिक लाभदायक भाव मिळावा आणि रब्बी हंगामातील पिकांच्या

Anamika Mishra: वय अवघं 7 वर्ष; लक्ष्य 30 किलोमीटर! अनामिकाच्या धाडसी आव्हानाची चर्चा

नवी दिल्ली: 'मुर्ती लहान पण किर्ती महान' ही म्हण आपण ऐकली असेल. या म्हणीचा प्रत्यय सहसा आपल्याला लवकर येत नाही. पण या

Green Energy Corridor Phase 3 : १.८६ लाख कोटींच्या 'ग्रीन एनर्जी कॉरिडोअर-३' योजनेला केंद्रीय मंत्रिमंडळाची मंजुरी; १३५ गिगावॉट अक्षय ऊर्जेसाठी ग्रीड भक्कम होणार

नवी दिल्ली : भारतातील बिगर-जीवाश्म (Non-fossil) उर्जा क्षमतेचा झपाट्याने विस्तार करण्यासाठी केंद्रीय मंत्रिमंडळाने

Dubai- Tel Aviv Flight News: दुबई- तेल अवीव विमान हायजॅक नाहीच! तर विमानात भलतच घडलं; अखेर सत्य आलं समोर

नवी दिल्ली: दुबईहुन तेल अवीव विमानासंबंधित एक महत्त्वाची अपडेट समोर आली आहे. 'फ्लाय- दुबई' कंपनीच्या विमानामध्ये

Vande Bharat Train: देशातील दुसऱ्या 'वंदे भारत स्लीपर ट्रेन'ला मंजुरी, देशातील 'या' दोन प्रमुख शहरांदरम्यान धावणार हायस्पीड ट्रेन

नवी दिल्ली: रेल्वे प्रवाशांसाठी आनंदाची बातमी आहे. देशातल्या दुसऱ्या स्लीपर वंदे भारत ट्रेनला मंजुरी मिळाली