आयसीसीच्या नवीन पुरुष एकदिवसीय फलंदाजी आणि गोलंदाजी क्रमवारीत भारतीय खेळाडूंनी शानदार मुसंडी मारली आहे. तिरुवनंतपुरम येथे वेस्ट इंडिजविरुद्ध झालेल्या पहिल्या एकदिवसीय सामन्यात चमकदार कामगिरी करणाऱ्या भारतीय खेळाडूंना क्रमवारीत मोठा फायदा झाला असून, कर्णधार शुभमन गिलचे अव्वल स्थान अद्याप कायम आहे.(ICC ODI Ranking 2026)
विराट कोहलीचे विक्रमी शतक आणि दुसरे स्थान
वेस्ट इंडिजविरुद्धच्या सामन्यात भारतीय फलंदाजांनी अभूतपूर्व खेळ दाखवला. कर्णधार शुभमन गिलने 110 धावांची शानदार खेळी करत आपले रेटिंग 801 वरून 816 पर्यंत नेले आणि आपले अव्वल स्थान कायम ठेवले आहे. दुसरीकडे, दिग्गज फलंदाज विराट कोहलीने अवघ्या 88 चेंडूंमध्ये नाबाद 139 धावांची धमाकेदार खेळी करत भारताला सहज विजय मिळवून दिला. हे विराटचे विक्रमी 55 वे एकदिवसीय शतक ठरले असून, यासह त्याने एकदिवसीय क्रिकेटमध्ये 15,000धावांचा टप्पा देखील पार केला आहे. या प्रभावी कामगिरीत 2022 नंतरचे विराटचे हे सर्वोत्तम रेटिंग ठरले आहे.
गोलंदाजीत कुलदीप यादवची टॉप 5 मध्ये धमाकेदार एन्ट्री
गोलंदाजीच्या क्रमवारीत भारताचा आघाडीचा फिरकी गोलंदाज कुलदीप यादवने चार स्थानांची मोठी झेप घेत पाचवे स्थान पटकावले आहे. वेस्ट इंडिजविरुद्धच्या पहिल्या एकदिवसीय सामन्यात त्याने केवळ 40 धावा देऊन महत्त्वपूर्ण चार बळी टिपले होते, ज्याचा त्याला क्रमवारीत फायदा झाला आहे. दरम्यान, दक्षिण आफ्रिकेचा डावखुरा फिरकी गोलंदाज केशव महाराज ऑस्ट्रेलियाविरुद्ध दोन सामन्यांत सहा बळी घेतल्यामुळे तीन स्थानांची कमाई करत तिसऱ्या स्थानी पोहोचला आहे. ऑस्ट्रेलियाचा जोश हेझलवूड याने देखील अव्वल 10 गोलंदाजांमध्ये पुनरागमन केले आहे, तर भारताचा प्रसिद्ध कृष्णा 42 व्या स्थानावर आहे.
नागोया (जपान) : आशियाई क्रीडा स्पर्धा 2026 मध्ये भारतीय पुरुष क्रिकेट संघाने थेट उपांत्य फेरीत प्रवेश केला आहे. श्रेयस अय्यरच्या नेतृत्वाखाली खेळणाऱ्या ...
इतर आंतरराष्ट्रीय खेळाडूंची कामगिरी
या ताज्या क्रमवारीत इतर देशांच्या खेळाडूंनीही उल्लेखनीय प्रगती केली आहे. श्रीलंकेविरुद्धच्या सामन्यात 126 धावांची खेळी करणारा इंग्लंडचा सलामीवीर टॉम बेंटन याने तब्बल 333 स्थानांची अभूतपूर्व झेप घेत थेट 83 वे स्थान पटकावले आहे. श्रीलंकेचा कुसल मेंडिस (198 धावा) कारकिर्दीतील सर्वोत्तम सातव्या स्थानावर पोहोचला आहे, तर बेन डकेट 15 व्या स्थानावर गेला आहे. दक्षिण आफ्रिकेचा मॅथ्यू ब्रीट्झके (136 धावा) 19 स्थानांनी पुढे जात 21 व्या, डेव्हिड मिलर 41 व्या आणि कर्णधार टेंबा बावुमा 32 व्या स्थानावर पोहोचले आहेत.(ICC ODI Ranking 2026)