मतचोरीचा आरोप म्हणजे ‘मत-जिहाद’ लपविण्याचा प्रयत्न- मंत्री नितेश राणे

विधानसभा निवडणुकीत मतांची हेराफेरी झाल्याचा आरोप करणाऱ्या विरोधकांनी लोकसभा निवडणुकीनंतर निकालावर आक्षेप का घेतला नाही, असा सवाल राज्याचे मत्स्यव्यवसाय व बंदरे विकास मंत्री नितेश राणे यांनी केला. भाजपने मतचोरी केली असती तर लोकसभेत ४०० पार जागा मिळाल्या असत्या. अयोध्या, वरळी आणि बारामतीच्या जागा भाजपला मिळाल्या नाहीत, तसेच कर्नाटक आणि केरळमध्येही भाजपचा पराभव झाला. त्यामुळे ‘मत-जिहाद’ लपविण्यासाठी मतचोरीचा आरोप केला जात असल्याचे राणे म्हणाले.

विधानसभा निवडणुकीत मतांची हेराफेरी झाल्याचा आरोप करणाऱ्या विरोधकांनी लोकसभा निवडणुकीनंतर निकालावर आक्षेप का घेतला नाही, असा सवाल राज्याचे मत्स्यव्यवसाय व बंदरे विकास मंत्री नितेश राणे यांनी केला. भाजपने मतचोरी केली असती तर लोकसभेत ४०० पार जागा मिळाल्या असत्या. अयोध्या, वरळी आणि बारामतीच्या जागा भाजपला मिळाल्या नाहीत, तसेच कर्नाटक आणि केरळमध्येही भाजपचा पराभव झाला. त्यामुळे ‘मत-जिहाद’ लपविण्यासाठी मतचोरीचा आरोप केला जात असल्याचे राणे म्हणाले.


भाजप प्रदेश कार्यालयात माध्यमांशी संवाद साधताना मंत्री राणे बोलत होते. जंतरमंतरवरील आंदोलनाची पुनरावृत्ती मुंबईत होण्याची शक्यता आहे का, या प्रश्नावर राणे यांनी जंतरमंतरवरील आंदोलनात विद्यार्थ्यांच्या खांद्यावर बंदूक ठेवून देशविरोधी शक्तींना व्यासपीठ मिळाल्याचा आरोप केला. उमर खालिदचे समर्थक, देवी-देवतांबद्दल आक्षेपार्ह वक्तव्य करणारे आणि ‘सर तन से जुदा’च्या घोषणा देणारे लोक त्या आंदोलनात दिसल्याचे ते म्हणाले. शिवाजी महाराजांचा अपमान करणारे सध्याचे चित्र ही त्याची सुरुवात असल्याचे सांगत, उद्या टिपू सुलतानचे झेंडे फडकवले जातील किंवा औरंगजेबाची पूजा केली जाईल आणि त्यालाही मुख्य निवडणूक आयुक्त ज्ञानेश कुमार यांच्या विरोधातील आंदोलनाचे स्वरूप दिले जाईल, अशी शक्यता राणे यांनी व्यक्त केली. हे आंदोलन देशविरोधी किंवा ‘जिहादी’ शक्तींसाठी व्यासपीठ ठरत आहे का, हा मूळ प्रश्न असल्याचे ते म्हणाले. राज्याचे प्रमुख मुख्यमंत्री देवेंद्र फडणवीस आहेत, त्यामुळे चिंता करू नये, असेही राणे यांनी सांगितले.


विद्यार्थ्यांची लूट होत असल्याचा तसेच व्यवस्थापन कोट्यातून शिक्षकांच्या जागा भरल्या जात असल्याचा अभिजित दीपके यांचा आरोप असल्याबाबत राणे म्हणाले की, कोणत्याही व्यवस्थेत काही अडचणी किंवा मुद्दे असतील तर ते सोडविण्यास सरकार तयार आहे. सुधारणा करण्यासाठी सरकार नेहमी प्रयत्नशील असून, काही सूचना किंवा अडचणी असतील तर त्या सरकारसमोर मांडाव्यात, असे त्यांनी सांगितले. एमपीएससीच्या व्यवस्थेत मुख्यमंत्री देवेंद्र फडणवीस यांनी अनेक सुधारणा केल्या. त्याचप्रमाणे अन्य कोणत्याही व्यवस्थेत अडचणी असतील तर त्या सरकारला सांगाव्यात. लोकनियुक्त सरकार जनतेच्या अडचणी सोडवेल, असेही ते म्हणाले.


prahaar.in/2026/10/01/depicting-cockroaches-in-place-of-mavalas-is-an-insult-to-shivrai-minister-nitesh-rane-launches-a-scathing-attack/

...तर राहुल गांधी निवडून आले असते का?


काँग्रेस नेते राहुल गांधी यांनी महाराष्ट्रासह विविध राज्यांच्या निवडणुकांमध्ये मतचोरी झाल्याचा आरोप केल्याबाबतही मंत्री राणे यांना प्रश्न विचारण्यात आला. त्यावर ते म्हणाले, कर्नाटक आणि केरळमधील निवडणुकाही मतचोरीने झाल्या का, असा सवाल त्यांनी केला. मतचोरी झाली असती तर भाजप ४०० पार गेला असता, अयोध्येची जागा जिंकली असती. तसेच राहुल गांधी उत्तर प्रदेशातून आणि त्यांच्या भगिनी केरळमधून निवडून आल्या नसत्या, असा दावा राणे यांनी केला. स्वतः निवडणूक जिंकतात तेव्हा निवडणूक आयोगाबाबत आक्षेप घेतला जात नाही; मात्र ज्या ठिकाणी पराभव होतो, तेथे आयोगावर प्रश्न उपस्थित केले जातात, अशी टीका राणे यांनी केली. देशातील जनता हे पाहत असल्याचेही त्यांनी सांगितले.


इंडिया आघाडीच्या बैठकीत मुख्य निवडणूक आयुक्त ज्ञानेश कुमार यांच्या राजीनाम्याची मागणी करण्याचा निर्णय झाल्याबाबतही राणे यांनी भाष्य केले. लोकसभा निवडणुकीनंतरच ज्ञानेश कुमार यांच्या राजीनाम्याची मागणी करायला हवी होती. लोकसभा निवडणुकीत विरोधकांच्या जागा वाढल्या असताना त्यावेळी ज्ञानेश कुमार यांच्या राजीनाम्याची मागणी का केली नाही, असा सवाल त्यांनी केला. आता विविध राज्यांत पराभव होत असताना त्यांच्या राजीनाम्याची मागणी केली जात असल्याचे राणे म्हणाले.

Comments
Add Comment

PM Modi Barong Tagalog : पंतप्रधान मोदींचा फिलिपिन्सच्या 'बॅरोंग टॅगालॉग' पोशाखात रॉयल लूक; 'गाला डिनर'मध्ये वेधले जागतिक नेत्यांचे लक्ष!

अनिवासी भारतीयांना आपुलकीची विचारपूस! मनिला : पंतप्रधान नरेंद्र मोदी (PM Narendra Modi) सध्या तीन दिवसांच्या फिलिपिन्स

Tiger Shroff comeback : गोळीबाराच्या धक्क्यातून सावरत टायगर श्रॉफचे सोशल मीडियावर दणक्यात पुनरागमन; चाहत्यांना दिले जबरदस्त सरप्राईज!

गेल्या महिनाभरापासून बॉलिवूड अभिनेता टायगर श्रॉफ (Tiger Shroff) हा त्याच्यावर झालेल्या गोळीबाराच्या दुर्दैवी घटनेमुळे

न्यूझीलंडमध्ये रोहित शर्माचा फ्लॉप शो; यशस्वी जयस्वालला संधी मिळणार का? इरफान पठाणने दिलं असं उत्तर

भारताने न्यूझीलंडला टी20 मालिकेनंतर वनडेतही मात दिली. भारताने न्यूझीलंडला वनडे मालिकेत 3-1 ने पराभवाची धूळ चारली.

Ajit Pawar Tribute: अजितदादांचे विकासाचे स्वप्न पूर्ण करणे हीच खरी श्रद्धांजली! एकनाथ शिंदे भावूक

पुणे:  पुणे येथे केंद्रीय गृह व सहकार मंत्री अमित शहा यांच्या हस्ते स्वर्गीय अजित पवार यांच्या अर्धाकृती

भाजपकडून राघव चड्ढांना मोठी जबाबदारी; पंजाब निवडणुकीच्या जाहीरनामा समितीत नियुक्ती

राज्यसभा खासदार राघव चड्ढा यांच्यावर भारतीय जनता पक्षाने महत्त्वाची जबाबदारी सोपवली आहे. २०२७ च्या विधानसभा

26/11 हल्ल्यानंतर स्थापन झालेल्या ‘फोर्स वन’चे नियंत्रण आता 'एटीएस'कडे

मुंबई : दहशतवादी हल्ल्याला प्रत्युत्तर देताना तपास यंत्रणा आणि प्रत्यक्ष कारवाई करणाऱ्या कमांडो पथकात