स्वयंपाकघरातील झुरळे आणि लाल मुंग्यांपासून वैतागलात ? ट्विंकल खन्नाने शेअर केला जबरदस्त घरगुती उपाय

स्वयंपाकघर कितीही स्वच्छ ठेवले तरी झुरळे किंवा लाल मुंग्या कधी ना कधी घरात शिरतातच. विशेषतः रात्री किचनची लाईट बंद केल्यानंतर झुरळे दिसणे किंवा मुंग्यांची रांग थेट साखर आणि खाद्यपदार्थांच्या डब्यांपर्यंत पोहोचणे ही अनेक घरांमध्ये नेहमीची समस्या आहे. या समस्येपासून सुटका करण्यासाठी अनेकजण बाजारात मिळणाऱ्या केमिकल स्प्रेचा वापर करतात. मात्र, घरात उपलब्ध असलेल्या काही सामान्य पदार्थांच्या मदतीनेही एक साधा स्प्रे तयार करता येतो. अभिनेत्री ट्विंकल खन्नाने अशाच एका घरगुती उपायाची माहिती शेअर केली आहे.



तेजपत्ता, लवंग आणि व्हिनेगरपासून बनवा देसी स्प्रे


ट्विंकल खन्नाने शेअर केलेल्या या घरगुती उपायामध्ये तेजपत्ता, लवंग, पाणी आणि व्हिनेगरचा वापर केला जातो. तेजपत्ता आणि लवंगाचा तीव्र वास या मिश्रणाचे वैशिष्ट्य आहे.



स्प्रे तयार करण्यासाठी लागणारे साहित्य


- 8 ते 10 लवंगा


- 2 ते 3 तेजपत्ते


- 1 कप पाणी


- 1 कप व्हिनेगर



घरगुती स्प्रे कसा तयार करायचा ?


1. लवंग आणि तेजपत्ता तयार करा: सर्वप्रथम लवंग थोडी कुटून घ्या. त्यानंतर तेजपत्त्याचे छोटे तुकडे करून घ्या.


2. मिश्रण उकळा: एका पॅनमध्ये 1 कप पाणी आणि 1 कप व्हिनेगर घ्या. त्यामध्ये कुटलेल्या लवंगा आणि तेजपत्त्याचे तुकडे टाका. हे मिश्रण काही वेळ उकळू द्या.


3. थंड करून स्प्रे बाटलीत भरा: लवंग आणि तेजपत्त्याचा वास मिश्रणात चांगला उतरल्यावर गॅस बंद करा. मिश्रण पूर्णपणे थंड होऊ द्या. त्यानंतर ते गाळून घ्या आणि स्वच्छ स्प्रे बाटलीमध्ये भरून ठेवा.







स्वयंपाकघरात हा स्प्रे कुठे वापरायचा ?


हा स्प्रे थेट अन्नपदार्थ किंवा भांड्यांवर फवारू नका. त्याऐवजी ज्या ठिकाणांहून झुरळे आणि मुंग्या वारंवार बाहेर येतात, त्या ठिकाणी हलक्या हाताने फवारणी करता येते.


उदाहरणार्थ:


- किचनच्या ड्रॉवरचे कोपरे


- कॅबिनेटच्या कडा


- सिंकच्या आसपासची जागा


- झुरळे किंवा मुंग्या वारंवार दिसणारे कोपरे


रात्री स्वयंपाकघरातील काम पूर्ण झाल्यानंतर या जागा स्वच्छ करून त्यानंतर स्प्रेचा वापर करता येतो.



फक्त या स्प्रेवर अवलंबून राहू नका


महत्त्वाचे म्हणजे, असा घरगुती स्प्रे झुरळे किंवा मुंग्यांच्या समस्येवर कायमस्वरूपी उपाय आहे असे समजू नये. अशा पदार्थांच्या वासामुळे काही कीटक काही ठिकाणांपासून दूर राहण्यास मदत होऊ शकते; मात्र किचनमध्ये कीटकांचा प्रादुर्भाव मोठ्या प्रमाणात असेल तर केवळ या उपायावर अवलंबून राहणे पुरेसे ठरणार नाही. त्यामुळे स्वयंपाकघरातील स्वच्छतेकडेही विशेष लक्ष द्या. जमिनीवर किंवा किचनच्या प्लॅटफॉर्मवर पडलेले अन्नाचे कण लगेच साफ करा. रात्री उष्टे किंवा घाणेरडे भांडे ठेवू नका. कचरापेटी वेळेवर रिकामी करा आणि सिंक किंवा पाईपजवळ पाणी व ओलावा साचणार नाही याची काळजी घ्या.


तसेच साखर, पीठ आणि इतर खाद्यपदार्थ उघड्या पॅकेटमध्ये न ठेवता एअरटाइट डब्यांमध्ये ठेवणे फायदेशीर ठरू शकते. अन्न ठेवण्याच्या किंवा बनवण्याच्या जागेवर स्प्रे करू नका. या घरगुती मिश्रणाचा वापर करताना सर्वात महत्त्वाची काळजी म्हणजे ते थेट अन्नपदार्थ, स्वयंपाकाची भांडी किंवा अन्न ठेवले जाते अशा पृष्ठभागावर फवारू नये. झुरळे आणि लाल मुंग्यांचा त्रास वारंवार होत असेल तर स्वच्छतेसोबत हा घरगुती उपाय करून पाहता येतो. मात्र, किड्यांचा प्रादुर्भाव मोठ्या प्रमाणात असल्यास किंवा समस्या वारंवार उद्भवत असल्यास व्यावसायिक पेस्ट कंट्रोलची मदत घेणे अधिक योग्य ठरू शकते.

Comments
Add Comment

Nashik : फटाक्यांची ठिणगी साडीवर पडली अन् अनर्थ घडला, 27 वर्षीय विवाहितेचा करुण अंत

नाशिक : दिवाळीचा सण म्हणजे आनंद, उत्साह आणि प्रकाशाचा उत्सव. मात्र, याच दिवाळीत नाशिकमध्ये एका कुटुंबावर दुःखाचा

Navnath Ban : अजित पवारांच्या विमान अपघाताची सखोल चौकशी करा, रोहित पवारांच्या साखर कारखान्याबाबत नवनाथ बन यांचा सवाल

मुंबई : दिवंगत उपमुख्यमंत्री अजित पवार यांच्या विमान अपघातावरून राजकीय आरोप-प्रत्यारोप सुरूच आहेत. रोहित पवार

Painjan Song: पैंजणाच्या नादात खुलणार प्रेमाची कहाणी; अक्षय वाघमारे-रुचिरा जाधवची नवी जोडी

Painjan Song: डोंगरदऱ्या, हिरवीगार शेतं आणि गावाकडचं सुंदर वातावरण, अशा निसर्गरम्य परिसरात फुलणारी प्रेमकहाणी सांगणारं

Prince William Mumbai : मुंबई दौऱ्याच्या दुसऱ्या दिवशी केट मिडलटनचा 'बॉस-लेडी' अंदाज, तर प्रिन्स विल्यम्सच्या कॅज्युअल लूकने वेधले लक्ष!

वांद्रे-वरळी सी-लिंकसमोर रिक्षा सफारीचाही घेतला आनंद मुंबई : ब्रिटनच्या राजघराण्यातील प्रिन्स विल्यम्स आणि

Meta Instagram Algorithm Changes : केंद्र सरकारच्या निर्देशांनंतर मेटा ॲक्शन मोडमध्ये; इंस्टाग्रामच्या अल्गोरिदममध्ये बदल

मेटा प्लॅटफॉर्म्सने वापरकर्त्यांना दाखवल्या जाणाऱ्या लैंगिकदृष्ट्या उत्तेजक आणि हिंसक सामग्रीचे प्रमाण कमी

Eknath Shinde: बाळासाहेबांच्या विचारांचा वारसा पुढे नेणार; दुष्काळग्रस्त शेतकऱ्यांच्या मदतीला शिवसेना सरसावली

मुंबई: हिंदुहृदयसम्राट शिवसेनाप्रमुख स्वर्गीय बाळासाहेब ठाकरे यांच्या १४व्या पुण्यतिथीनिमित्त